تەرگەۋ جۇرگىزىلەدى.
مارقۇمنىڭ وز-وزىنە قول جۇمساعانى تۋرالى دارىگەرلەر حابارلاعان، دەپ حابارلايدى Almaty-akshamy.kz
الماتى وبلىسىندا پوليسيا قىزمەتكەرىنىڭ وز-وزىنە قول جۇمساۋ فاكتىسى بويىنشا تەرگەۋ باستالدى.
"بالقاش اۋدانىنىڭ پوليسياسىنا اۋرۋحانا فەلدشەرىنەن اۋدان ورتالىعىنىڭ پاتەرلەرىنىڭ بىرىندە 31 جاستاعى پوليسيا قىزمەتكەرى وز-وزىنە قول جۇمساعانى تۋرالى حابارلاما كەلىپ ءتۇستى. بۇل فاكت ق ر قك 105-بابى 1-بولىگى (سۋيسيدكە دەيىن جەتكىزۋ) بويىنشا تىركەلدى"، - دەلىنگەن وبلىستىق پوليسيا دەپارتامەنتىنىڭ حابارلاماسىندا.
ارىپتەستەرىنىڭ مالىمەتىنشە، پوليسيا قىزمەتكەرىنىڭ وتباسىلىق قارىم-قاتىناستا جەكە پروبلەمالارى بولعان. بۇل تەرگەۋ شەڭبەرىندە تەكسەرىلەتىنى اتاپ ءوتىلدى.
"ءىستىڭ بارلىق ءمان-جايلارىن تولىق، جان-جاقتى جانە وبەكتيۆتى تەرگەۋدى قامتاماسىز ەتۋ ءۇشىن ساراپتامالىق تەكسەرۋلەر تاعايىندالىپ، بارلىق قاجەتتى تەرگەۋ ارەكەتتەرى جۇرگىزىلەدى. تەرگەۋ بارىسىن وبلىستىق پوليسيا باستىعى باقىلاۋعا الدى"، - دەلىنگەن اقپاراتتا.