Nur Otan الماتى قالالىق فيليالى جانىنداعى ۇلت دەنساۋلىعى جونىندەگى وڭىرلىك كەڭەستىڭ ءتوراعاسى بولات سادىقوۆ پارتيا ازىرلەگەن سايلاۋالدى باعدارلامانى جۇزەگە اسىرۋ بويىنشا جاسالعان جول كارتاسىنىڭ ورىندالۋى ساپالى بولۋى قاجەتتىگىن ايتتى، دەپ حابارلايدى almaty-akshamy.kz
كۇن ءتارتىبىنىڭ ءبىرىنشى جانە ەكىنشى ماسەلەلەرى بويىنشا جول كارتاسىنىڭ 111-تارماعى قالاداعى مەديسينالىق ۇيىمداردىڭ جابدىقتاندىرىلۋى دەڭگەيىنىڭ ءوسۋى جانە جول كارتاسىنىڭ 112-تارماعى مەديسينا قىزمەتكەرلەرىنىڭ بىلىكتىلىك دەڭگەيىن ارتتىرۋ تۋرالى الماتى قالاسى قوعامدىق دەنساۋلىق باسقارماسى باسشىسىنىڭ ورىنباسارى سۆەتلانا سۇلتانعازييەۆا بايانداما جاسادى.
ءوز كەزەگىندە س. سۇلتانعازييەۆا مەديسينالىق ۇيىمداردى ماتەريالدىق-تەحنيكالىق جابدىقتاۋدى جاقسارتۋ ءۇشىن جەرگىلىكتى بيۋدجەت قاراجاتىنان 43،1 ملرد. تەڭگە بولىنگەنىن، ونىڭ ىشىندە ءوجج (وكپەنى جاساندى جەلدەتۋ) 285، جوعارى اعىندى وتتەگى تەراپياسى اپپاراتى High Flow 250، وتتەگى كونسەنتراتورلارى 1050، رەنتگەن اپپاراتى 47، ۋزي اپپاراتىنان 52 جانە 135 جەدەل جاردەم كولىگى الىنعانىن ايتتى. سونىمەن قاتار، رەسپۋبليكالىق بيۋدجەت ەسەبىنەن 562،1 ملن.تەڭگە سوماسىنا 94 مەديسينالىق جابدىقتار الىنعان. كەڭەس مۇشەلەرى مالىمدەمەگە باسقا باعىتتاعى جابدىقتارعا دا ۇلكەن ءمان بەرۋدى ۇسىندى.
ءوز كەزەگىندە قوعامدىق دەنساۋلىق باسقارماسىنا قاراستى 5069 مامان وقۋ كۋرستارىنان وتكەن. ونىڭ ىشىندە شەتەلدە بىلىكتىلىكتى ارتتىرۋدان 13 مامان: «BLS،ACLS،PALS، PHTLS ترەنەرلەر كۋرسى»، (يزرايل 12 ادام)، «وتولارينگولوگياداعى مرت دياگنوستيكاسى» - (يزرايل1 ادام) وتاندىق مامانداردىڭ قاتىسۋىمەن 40-تان استام سەمينار-ترەنينگتەر وتكىزىلگەنىن ايتتى.
ال الماتى قالاسى قوعامدىق دامۋ باسقارماسى باسشىسىنىڭ ورىنباسارى رينات بەكبەرگەنوۆ ءوزىنىڭ بايانداماسىندا الماتى قالاسىنىڭ جاستارى اراسىندا سالاۋاتتى ءومىر سالتى قاعيداتتارىن نىعايتۋ جونىندە 7 تارماق بويىنشا جۇمىس جاسالىپ جاتقانىن حابارلادى. ولار: جاستاردى بۇقارالىق سپورت تۇرلەرىمەن قامتۋدى قامتاماسىز ەتۋ، دەنە شىنىقتىرۋ ساۋىقتىرۋ كەشەندەرىن سالۋ، جاستاردىڭ تۋريزمگە قىزىعۋشىلىعىن ارتتىرۋ، ناركولوگيالىق ەسەپتە تۇرعان 15-29 جاس ارالىعىنداعى جاستاردىڭ سانىن ازايتۋ، 18-29 جاس ارالىعىنداعى جاستاردىڭ اراسىنداعى ۆيچ/سپيد اۋرۋى تارالۋىن ازايتۋ، 14-29 جاس ارالىعىنداعى قىز بالالاردىڭ اراسىندا ابورتتى ازايتۋ، 15-29 جاس ارالىعىنداعى جاستاردىڭ اراسىندا ءسۋيسيدتى ازايتۋ.
ءىس-شارا بارىسىندا بارلىق سۇراقتار قىزۋ تالقىعا الىنىپ، جاۋاپتى مەكەمەلەرگە ءتيىستى ۇسىنىستار بەرىلدى.