بۇگىن قوعامدىق كولىكتىڭ قاتىسۋىمەن ءىرى جول اپاتى بولدى.
اپات سالدارىنان 7 ادام زارداپ شەكتى. جەدەل مەديسينالىق قىزمەت كەلگەنشە ۇشەۋى قايتىس بولدى. ءۇش ەرەسەك ادامعا جابىق باسسۇيەك-مي جاراقاتى، مي شايقالۋى، بىرەۋىنە سول جاق جامباس سۇيەگىنىڭ سىنىعى دياگنوزى قويىلىپ N7 قالالىق كلينيكالىق اۋرۋحاناعا جاتقىزىلدى، دەپ حابارلايدى اlmaty-akshamy.kz. الماتى قالاسى قوعامدىق دەنساۋلىق ساقتاۋ باسقارماسىنا سىلتەمە جاساپ.
ءتورتىنشى زارداپ شەككەن 15 جاستاعى بالا سول تابان سۇيەكتەرىنىڭ سىنۋى دياگنوزىمەن N2 قالالىق بالالار كلينيكالىق اۋرۋحاناسىنا جاتقىزىلدى. زارداپ شەككەندەرگە پسيحولوگيالىق كومەكپەن قوسا بارلىق قاجەتتى مەديسينالىق كومەك تولىق كولەمدە كورسەتىلىپ جاتىر.
ەسكە سالا كەتەيىك، بۇعان دەيىن جازعانىمىزداي الماتى قالاسىندا جولاۋشى جانجال شىعارىپ، قوعامدىق كولىك جۇرگىزۋشىسىن ۇرعان. سالدارىنان باقىلاۋدان شىعىپ كەتكەن قوعامدىق كولىك ايالدامادا تۇرعان ادامداردى قاعىپ، ءتورت كولىكپەن سوقتىعىستى.