سوڭعى كەزدەرى قوعامدىق كولىكتەردىڭ قاتىسۋىمەن جول اپاتتارى ءجيى بولا باستادى. بۇگىنگى وقيعا جولاۋشى جۇرگىزۋشىگە قول جۇمساپ سونىڭ سالدارىنان بولىپ وتىر. جۇرگىزۋشى قاۋىپسىزدىگىنە كىم جاۋاپ بەرەدى؟ اlmaty-akshamy.kz ءتىلشىسى وتكەنگە وي جۇگىرتىپ، قوعامدىق كولىكتىڭ قاتىسۋىمەن بولعان وقيعالاردى سالماقتاپ كوردى. سونىمەن:
وتكەن جىلى 8 قاراشادا قارا حالىقتىڭ جاعاسىن ۇستاتقان ءىرى جول كولىك وقيعاسى ورىن الدى. الماتىدا استانا الاڭىنىڭ ماڭىندا N201 جانە N98 باعىتتاعى ەكى اۆتوبۋس سوقتىعىستى. سالدارىنان ءبىر ادام قازا تاپتى. سوڭعى مالىمەتتەر بويىنشا، توعىز ادام اۋرۋحاناعا جاتقىزىلدى. ونىڭ بىرەۋى – بالا. پوليسەيلەر №98 اۆتوبۋس جۇرگىزۋشىسى باعدارشامنىڭ تىيىم سالىنعان بەلگىسىنە قاراماي جول ايىرىعىنا شىققان.
وسى جول اپاتىنان ءبىر ساعاتتان سوڭ اباي داڭعىلى بويىندا سەيفۋللين داڭعىلى مەن بايتۇرسىنوۆ كوشەلەرى ارالىعىندا باتىس باعىتتا تروللەيبۋس پەن اۆتوبۋس سوقتىعىستى. ىشكى ىستەر مينيسترلىگىنىڭ مالىمەتىنشە، اۆتوبۋس سول جاق جولاققا تۇسپەك نيەتتە بۇرىلعاندا BMW كولىگىمەن سوقتىعىسقان. ءابۇيىر بولعاندا ەشكىم زارداپ شەكپەدى.
ال №23 اۆتوبۋستىڭ كورەر قىزىعى بار ەكەن. 31 قازاندا رايىمبەك پەن ساينا كوشەلەرىنىڭ قيىلىسىندا قوعامدىق كولىكتىڭ تەجەگىشى ىستەن شىعىپ كەتەدى. جۇرگىزۋشىنىڭ تاجىريبەلىلىگى بولار اۆتوبۋستى جولدان الىپ شىعىپ، اعاشتىڭ اراسىنا توقتاتادى.
ريحارد زورگە كوشەسىندە №2 اۆتوبۋس ايەلدى قاعىپ كەتكەن. وقيعا 27 قىركۇيەكتە ورىن الدى. كوشەنىڭ كەلەسى بەتىنە ءوتۋدى كوزدەگەن جولاۋشىنى جۇرگىزۋشى بايقاماعان. ۋاعىندا جەتكەن جەدەل جاردەم جولاۋشىنىڭ ءومىرىن ساقتاپ قالا المادى.
25 قىركۇيەكتە مارعۇلان مەن مومىش ۇلى كوشەلەرىنىڭ قيىلىسىندا №112 اۆتوبۋستىڭ قاتىسۋىمەن بولعان وقيعا سالدارىنان ءۇش بالا زارداپ شەكتى. مۇندا دا قوعامدىق كولىكتىڭ تەجەگىشى ىستەن شىققان. ال 16 شىلدەدە سولتۇستىك اينالما كوشەسىندە №27 اۆتوبۋس قاققان جولاۋشى ءارتۇرلى جاراقات الدى. ەندى ءومىر بويى ول وسى جاراقاتتان جاپا شەگەتىن بولار.
8 ناۋرىزدا اۆانگاردنىي قيىلىسىندا جاياۋ جۇرگىنشىلەر جولاعىمەن ءوتىپ بارا جاتقان جولاۋشىنى سوققان. سوققى سالدارىنان ون مەترگە ۇشىپ تۇسكەن ازامات سول جەردە كوز جۇمدى. وعيعاعا №33 اۆتوبۋس جۇرگىزۋشىسى تىكەلەي كىنالى دەپ تابىلدى. ال 1 اقپاندا ورىن العان وقيعا جانسۇگىروۆ پەن جۇمابايەۆ كوشەلەرىنىڭ قيىلىسىندا بولعان. كۋاگەرلەردىڭ ايتۋىنشا، اۆتوبۋس جۇرگىزۋشىسى باعدارشامنىڭ قىزىل تۇسىنە ءوتىپ، جول ەرەجەسىن ورەسكەل بۇزعان.
الماتى پوليسيا دەپارتامەنتىنىڭ مالىمەتىنشە، YUTONG BUS اۆتوبۋسىنىڭ جۇرگىزۋشىسى رايىمبەك داڭعىلىنىڭ بويىمەن شىعىس باعىتتا كەلە جاتقان. قاشىقتىقتى ساقتاماۋ سالدارىنان ول العا قاراي كەلە جاتقان ساز اۆتوبۋسىمەن سوقتىعىسقان. سوققىنىڭ اسەرىنەن ساز اۆتوبۋسى سول باعىتتا كەلە جاتقان ءۇشىنشى YUTONG اۆتوبۋسىمەن سوقتىعىسقان. ابىروي بولعاندا ەشكىم زارداپ شەككەن جوق. بۇل وقيعا 11 اقپاندا ورىن العان ەدى.
ال بيىلعى جىلدىڭ 2-اقپانىنىڭ تاڭىندا ءال-فارابي داڭعىلى مەن جاروكوۆ كوشەسىنىڭ قيىلىسىندا، "قازاقفيلم" كينوستۋدياسىنا قاراما-قارسى جەردە ەكى اۆتوبۋس سوقتىقتى. №31 باعىتتاعى اۆتوبۋس №116 كىشىرەك قوعامدىق كولىكتىڭ ارتقى جاعىنان سوققان. سوققىدان №116 اۆتوبۋستىڭ ارتقى اينەگى سىنعان. التى ادام ءارتۇرلى دەنە جاراقاتىن الدى.
جىل سايىن اۆتوبۋستاردىڭ قاتىسۋىمەن قانشا اپات ورىن الادى؟ سوڭعى ءۇش جىلداعى قازاقستانداعى جول-كولىك وقيعالارىنىڭ ستاتيستيكاسى اۆتوبۋستاردىڭ قاتىسۋىمەن بولعان جول-كولىك وقيعالارىنىڭ جوعارى دەڭگەيدە قالىپ وتىرعانىن كورسەتەدى.
• 2019 ج. – 543 جول-كولىك وقيعاسى (81 قازا جانە 949 جاراقات العان)؛
• 2020 ج. – 327 جول-كولىك وقيعاسى (29 قازا جانە 455 جاراقات)؛
• 2021 جىل – 379 جول-كولىك وقيعاسى (38 قازا جانە 487 جاراقات العان).
• 2022 جىلدىڭ 8 ايى – 198 جول-كولىك وقيعاسى (21 قازا جانە 339 جاراقات العان).
ەسكە سالايىق، بۇگىن - 2023 جىلعى 22 جەلتوقساندا 18 ساعات 15 مينۋتتا 47-باعىتتاعى قوعامدىق كولىكتىڭ (جەكە تاسىمالداۋشى - «دۋمانترانسكوم» ج ش س) جولاۋشىسى جانجال سالدارىنان جۇرگىزۋشى ايەلدى ۇرعان. سالدارىنان ول ەسىن جوعالتىپ، كولىكتى باسقارا الماي قالعان.