الماتى قالالىق پوليسيا دەپارتامەنتى، بۇگىن - 2023 جىلعى 22 جەلتوقساندا 18 ساعات 15 مينۋتتا 47-باعىتتاعى قوعامدىق كولىكتىڭ (جەكە تاسىمالداۋشى - «دۋمانترانسكوم» ج ش س) جولاۋشىسى جانجال سالدارىنان جۇرگىزۋشى ايەلدى ۇرعاندىعىن، سالدارىنان ول ەسىن جوعالتىپ، كولىكتى باسقارا الماي قالعانىن ءمالىم ەتتى، دەپ حابارلايدى almaty-akshamy.kz. الماتى قالالىق پوليسيا دەپارتامەنتى باسپا ءسوز قىزمەتىنە سىلتەمە جاساپ.
باقىلاۋدان شىعىپ كەتكەن قوعامدىق كولىك ايالدامادا تۇرعان ادامداردى قاعىپ، ءتورت كولىكپەن سوقتىعىستى.
وقيعا سالدارىنان ءۇش ادام قازا تاۋىپ، تاعى 4 ادام دەنە جاراقاتتارىن الدى. ولار اۋرۋحاناعا جەتكىزىلدى.
قوعامدىق كولىك جۇرگىزۋشىسىن ۇرعان ەر ادام ۇستالدى. اتالعان دەرەك ق ر قك-نىڭ 345-بابى 3-بولىگى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى.
ساراپتاما تاعايىندالدى.
وقيعانىڭ باسقا دا ءمان-جايلارى انىقتالۋدا.