سوڭعى التى ايدا ورتالىق قالاداعى جول جابىندارىنىڭ ساپاسىن باعالاۋ جانە باقىلاۋمەن بەلسەندى اينالىستى.
الماتى قالاسى بويىنشا جول اكتيۆتەرىنىڭ ۇلتتىق ساپا ورتالىعى وڭىرلىك كوممۋنيكاسيالار قىزمەتىنىڭ بريفينگىندە جارتى جىلدىق جۇمىستىڭ جيىنتىق ناتيجەلەرىن ۇسىندى، دەپ حابارلايدى Almaty-akshamy.kz.
«اعىمداعى جىلى الماتى قالاسى بويىنشا فيليالدى قارجىلاندىرۋ 150 ملن تەڭگەنى قۇرادى. وسى جىلدان باستاپ قوسىمشا 90 ملن تەڭگەگە ۆەدومستۆولىق ساراپتاما بويىنشا شارت جاسالدى. ماۋسىم ايىندا مەدەۋ، بوستاندىق، جەتىسۋ، ناۋرىزباي جانە تۇركسىب اۋداندارىمەن جالپى سوماسى 17 ملن تەڭگەگە شارتتار جاسالدى»، - دەپ حابارلادى جاسۇو الماتى فيليالىنىڭ ديرەكتورى اسحات ۇسەنوۆ بريفينگتە.
جاسۇو ماماندارى 98 رەت جول ۋچاسكەلەرىن ارالاپ تەكسەرۋ جۇرگىزدى، ناتيجەسىندە اسفالتبەتون قوسپاسىن توسەۋ تەحنولوگياسىنىڭ 46 رەت بۇزىلۋ جاعدايى انىقتالدى، اسفالتبەتون جابىنىنىڭ قالىڭدىعى جەتكىلىكسىز، قوسپانىڭ نەگىزى دايىندالماعان، نەگىزدى تەگىستەۋ جانە باسقا دا جۇمىستار دۇرىس جۇرگىزىلمەگەن.
سونداي اق، باسقا دا ولقىلىقتار مەن اقاۋلار انىقتالدى:
- قۇرىلىستا 19 بۇزۋشىلىق انىقتالدى، ونىڭ ىشىندە 16-سى جويىلدى، مەردىگەر ۇيىمنىڭ جۇمىسىندا - 4؛
- ورتاشا جوندەۋ بويىنشا - 17، ونىڭ 13ء-ى جويىلدى، مەردىگەرلىك ۇيىمنىڭ جۇمىسىندا 4؛
- 2 اعىمداعى جوندەۋ بويىنشا، جويىلعان جوق؛
- كەپىلدىك تەكسەرۋلەر بويىنشا 7، ونىڭ ىشىندە مەردىگەرلىك ۇيىمنىڭ جۇمىسىندا - 7.
«جىل باسىنان بەرى 14 نىسان قۇرىلىسپەن قامتىلدى، ولار بويىنشا 41 سىناما الىندى، ونىڭ 26-سى ق ر ۇلتتىق ستاندارتتارىنىڭ تالاپتارىنا سايكەس كەلمەيدى، سونداي-اق «بۇقتىرما كوشەسى مەن قۇلجا تراكتىسى قيىلىسىنداعى جولايرىعى» وبەكتىسىندە مەردىگەر ۇيىمداردىڭ ءوز قاراجاتى ەسەبىنەن №4 جانە №7 سەزدىڭ جول جابىنى قايتا توسەلدى. ۆەدومستۆولىق ساراپتامانىڭ جۇرگىزىلۋىنە جانە ورتاشا جوندەۋدىڭ كەش باستالۋىنا بايلانىستى 25 وبەكتىنىڭ 8ء-ى ورتاشا جوندەۋمەن قامتىلدى. ورتاشا جوندەۋ 26 سىناما الىندى، ونىڭ 9-ى ق ر ست تالاپتارىنا سايكەس كەلمەيدى جانە ول جايىندا تاپسىرىس بەرۋشىگە جانە مەردىگەر ۇيىمدارعا حابارلامالار جىبەرىلدى. اعىمداعى جوندەۋ بويىنشا 64 سىناما الىندى، ونىڭ 31ء-ى ق ر ست تالاپتارىنا سايكەس كەلمەيدى. تاپسىرىس بەرۋشىگە جانە مەردىگەر ۇيىمدارعا حابارلامالار جىبەرىلدى»، - دەدى ول.
الماتى وبلىسى بويىنشا جول اكتيۆتەرى ساپاسىنىڭ ۇلتتىق ورتالىعىنىڭ زەرتحانا مەڭگەرۋشىسى ايدىن اشىربەكوۆ وبلىستا جارتى جىل ىشىندە 792 جول-قۇرىلىس ماتەريالدارىنىڭ سىناماسى سىنالعانىن، ونىڭ 273ء-ى (34%) ستاندارت تالاپتارىنا سايكەس كەلمەيتىنىن اتاپ ءوتتى. رەسپۋبليكالىق ماڭىزى بار جولدار بويىنشا 365 سىناما، ال وبلىستىق، اۋداندىق جانە اۋىلدىق جولدار بويىنشا - 340 سىناما الىندى.
«ءبىزدىڭ فيليالدا دياگنوستيكالىق جۇمىس جۇرگىزىپ جاتىرمىز. اۆتوموبيل جولدارىن دياگنوستيكالاۋدىڭ نەگىزگى ماقساتى اعىمداعى جاي-كۇيلەر، پارامەترلەردىڭ سايكەستىگى جانە پايدالانۋ جاعدايىنداعى تالاپتارعا سيپاتتامالارى تۋرالى وبەكتيۆتى اقپارات الۋ بولىپ تابىلادى. نەگىزگى مىندەتتەر-جول قۇرىلىسىن تەكسەرۋ، باعالاۋ، كولىكتى پايدالانۋ جانە بازانى قالىپتاستىرۋ. وتكەن جىلى دياگنوستيكامەن 1619 كم جول زتەكسەرىلدى، بيىل - 699 كم. ياعني، جىل سوڭىنا دەيىن ءبىز وتكەن جىلعى كورسەتكىشتەن اسامىز. ۆەدومستۆولىق ساراپتاما وتكەن جىلعا دەيىن رەسپۋبليكالىق جانە وبلىستىق ماڭىزى بار جولدار بويىنشا ۆەريفيكاسيا جۇرگىزىپ جانە قورىتىندى بەردى، ق ر يندۋستريا جانە ينفراقۇرىلىمدىق دامۋ مينيسترلىگىنىڭ 337ء-ى بۇيرىعىنا سايكەس بيىلدان باستاپ جەرگىلىكتى اتقارۋشى ورگاندار بويىنشا دا ۆەدومستۆولىق ساراپتاما جۇرگىزىلەتىن بولادى»، - دەپ تولىقتىردى ول.
الماتى وبلىسى بويىنشا فيليالدىڭ دەرەكتەرىنە سايكەس جىل باسىنان بەرى رەسپۋبليكالىق جەلى بويىنشا بارلىعى 238 نىسان، جەرگىلىكتى جولدار بويىنشا (وبلىستىق، قالالىق، اۋداندىق) 146 نىسان زەرتتەلدى. اتالعان نىساندار بويىنشا اقاۋلار انىقتالدى. ماسەلەن، رەسپۋبليكالىق جەلى بويىنشا 305 اقاۋ انىقتالدى، ونىڭ 201 - ءى جويىلدى (66%)، جۇمىستا-104 (34%). جەرگىلىكتى جولداردا 36 اقاۋ انىقتالدى. تاپسىرىس بەرۋشىگە اقاۋلاردى جويۋ تۋرالى ەسكەرتۋ مەن ءتيىستى حاتتار جولداندى.