زاڭبۇزۋشىلىق سالدارىنان مەملەكەتكە 307 ملن تەڭگەدەن استام زالال كەلگەن
قالالىق جوسپارلاۋ جانە ۋربانيستيكا باسقارماسىنىڭ بۇرىنعى باسشىسى جەر ۋچاسكەلەرىن بەرۋ جانە وبەكتىلەردىڭ قۇرىلىسىن كەلىسۋ كەزىندە لاۋازىمدىق وكىلەتتىكتەرىن اسىرا پايدالاندى دەگەن كۇدىككە ءىلىندى، دەپ حابارلايدى Almaty-akshamy.kz.
«ول جەكە تۇرعىن ءۇي قۇرىلىسىنا ارنالعان جەر ۋچاسكەلەرىندە، نىسانالى ماقساتىنا قاراماستان جانە قۇرىلىستىڭ تىعىزدىعىن ەسكەرمەي، جەكەلەگەن قۇرىلىس كومپانيالارىنىڭ مۇددەسى ءۇشىن 2020-2023 جىلدارى 3 كوپپاتەرلى تۇرعىن ءۇي كەشەنىنىڭ قۇرىلىسىنا زاڭسىز كەلىسكەن. سونىڭ سالدارىنان مەملەكەتكە 307 ملن تەڭگەدەن استام سوماعا جەر ۋچاسكەلەرىنىڭ تولەنبەگەن كاداسترلىق قۇنى تۇرىندە زالال كەلتىرىلدى»، - دەلىنگەن انتيكور حابارلاماسىندا.
بۇدان باسقا، 2020 جىلى مەديسينالىق ورتالىق پەن حقكو-نىڭ قۇرىلىسىن زاڭسىز كەلىسە وتىرىپ (ينۆەستيسيالىق جوبالاردى ىسكە اسىرۋ تۇرىمەن)، مۇددەلى تۇلعالاردىڭ جەكەمەنشىگىنە جەر ۋچاسكەلەرىن تومەن قۇنى بويىنشا ودان ءارى نەگىزسىز بەرۋگە ىقپال ەتكەن. شىعىن 180 ملن تەڭگەنى قۇرادى.
سوتتىڭ سانكسياسىمەن كۇدىكتى قاماۋعا الىندى.
«قازىرگى كەزدە سوتقا دەيىنگى تەرگەپ-تەكسەرۋ جالعاسۋدا، باسقا لاۋازىمدى ادامداردىڭ قاتىستىعى تەكسەرىلىپ جاتىر. قىلمىستىق-پروسەستىك كودەكسىنىڭ 201-بابىنا سايكەس تەرگەۋ مۇددەسى ءۇشىن وزگە دە اقپارات جاريا ەتۋگە جاتپايدى»، - دەدى ۆەدومستۆو وكىلدەرى.