اۆتوموبيل جولدارى كوميتەتىنە قاراستى جول اكتيۆتەرىنىڭ ۇلتتىق ساپا ورتالىعى زەرتحانا ماماندارىنىڭ كاسىبي دايىندىعىن ەداۋىر جاقسارتۋعا ارنالعان جاڭا سيفرلىق جوبا – ءبىلىم بەرۋگە ارنالعان ۆيرتۋالدى ترەناجەردى ۇسىنادى، دەپ حابارلايدى Almaty-akshamy.kz كولىك مينيسترلىگىنە سىلتەمە جاساپ.
ۆيرتۋالدى زەرتحانا وقىتۋ مودۋلدەرىن قامتيدى جانە اناليتيكالىق ءارى ستاتيستيكالىق مالىمەتتەرمەن قامتاماسىز ەتەدى. ترەناجەردىڭ باستى ەرەكشەلىگى – سىناق بارىسى تۋرالى جيىنتىق جانە تولىق اقپارات بەرەتىن ەسەپتەردىڭ تەرەڭ قۇرىلىمىنىڭ ازىرلەنۋى. بارلىق ەسەپ ۇلتتىق ساپا ورتالىعىنىڭ كورپوراتيۆتىك پورتالىندا ساقتالادى.
قازىرگى ۋاقىتتا جول اكتيۆتەرىنىڭ ۇلتتىق ساپا ورتالىعىنىڭ سيفرلاندىرۋ بويىنشا جۇمىس توبى وقىتۋدىڭ جاڭا دەڭگەيلەرىن ازىرلەۋ ۇستىندە. اتالعان جۇمىستار جولعا شىعۋ، سىنامالاردى الۋ، جول بەلگىلەرىن زەردەلەۋ جانە ماتەريالداردىڭ ساپاسىن تەكسەرۋ كەزەڭدەرىن قامتيتىن.
بيىل ترەناجەردى ۇلتتىق ساپا ورتالىعى فيليالدارىنىڭ سىناق زەرتحانالارىندا پيلوتتىق رەجيمدە ىسكە قوسۋ جوسپارلانىپ وتىر.
جول اكتيۆتەرىنىڭ ساپا ورتالىعى ءبىلىم بەرۋگە ارنالعان ۆيرتۋالدى ترەناجەردى كوپشىلىك نازارىنا ۇسىندى
- اۆتور Almaty-akshamy.kz
- 15:28، 24 ماۋسىم 2024
سۋرەت: Gov.kz