قازاقستان پوليسياسى كۇنى قارساڭىندا ءىىم م.ەسبولاتوۆ اتىنداعى الماتى اكادەمياسىنىڭ جوعارى وقۋ ورنىنان كەيىنگى فاكۋلتەتىنىڭ دوكتورانتۋراسىن بىتىرگەندەرگە سەرتيفيكات جانە ماگيستراتۋرا تۇلەكتەرىنە ديپلوم بەرىلدى.
اكادەميانىڭ دوكتورانتۋرا بويىنشا ءبىلىم بەرۋ باعدارلاماسىنىڭ تولىق تەوريالىق كۋرسىن بيىل 10 دوكتورانت بىتىرسە، عىلىمي پەداگوگيكالىق باعىت بويىنشا 15 ماگيسترانت ءبىتىردى، دەپ حابارلايدى Almaty-akshamy.kz Polisia.kz-كە سىلتەمە جاساپ.
" ماگيسترانتتارعا “قۇقىق قورعاۋ قىزمەتى” باعدارلاماسى بويىنشا “ۇلتتىق قاۋىپسىزدىك جانە اسكەري ءىس ماگيسترى” دارەجەلەرى مەن ديپلوم بەرىلدى. ماگيسترانتتارعا ديپلومدارىن AlmaU مەنەدجمەنت ۋنيۆەرسيتەتىنىڭ رەكتورى، ەكونوميكا عىلىمدارىنىڭ كانديداتى، PhD دوكتورى گ.كۋرەنكەيەۆا تابىستادى.
اكادەميا باستىعىنىڭ مىندەتىن ۋاقىتشا اتقارۋشى ج.ءدىلبارحانوۆا بىتىرۋشىلەردى ديپلوم الۋ سالتاناتىمەن قۇتتىقتاپ، ولارعا ەلىمىزدىڭ ىشكى ىستەر ورگاندارىندا ابىرويلى ەڭبەك ەتىپ، جاڭا قازاقستاننىڭ جارقىن بولاشاعىنا ۇلەس قوساتىندىقتارىنا سەنىم ءبىلدىردى.
جىلدا داستۇرگە اينالعان گەنەرال رۇستەم قايداروۆ اتىنداعى شاكىرتاقىعا بيىل 2023-2024 وقۋ جىلىنداعى جەتىستىكتەرى جانە عىلىمعا قوسقان ۇلەسى ءۇشىن ەكىنشى كۋرس دوكتارانتى يرينا پريحودكو يە بولدى.
دوكتورانت نۇرجان احمەدوۆ پەن ماگيسترانت راۋشان بايجۋما بىتىرۋشىلەر اتىنان وزدەرىنە ساپالى ءبىلىم بەرىپ، قيىن دا جاۋاپتى عىلىم جولىنا باعىتتاعان اكادەميا باسشىلىعىنا العىسىن ءبىلدىردى. جيىن سوڭىندا قاتىسۋشىلارعا دوكتورانتتار مەن ماگيسترانتتار اكادەميادا وتكىزگەن قىزىق ساتتەرىنەن تۇسىرىلگەن بەينەروليكتى كورسەتتى.