ىزدەستىرۋ بارىسىندا كوكشەتاۋ پوليسياسى بالانى ءبىر پاتەردەن تاپتى.
اعىمداعى جىلدىڭ 11 مامىرىندا كوكشەتاۋ ق. پب جەدەل باسقارۋ ورتالىعىنا وبلىس ورتالىعىنىڭ تۇرعىنىنان شامامەن 20 مينۋت بۇرىن ونىڭ 2 جاسار قىزى جوعالىپ كەتكەنى تۋرالى تەلەفون ارقىلى حابارلاما كەلىپ ءتۇستى.
«ەر ادام شۇعىل جۇمىسقا شاقىرىلىپ، بالانى جاقسى تانىس كورشىسىنە، قارت ادامعا قالدىرۋعا ءماجبۇر بولعانىن، ال قايتىپ كەلگەندە، زەينەتكەر بالانىڭ قايدا ەكەنىن بىلمەيتىنىن ايتىپ ءتۇسىندىردى»، - دەلىنگەن حابارلامادا. بۇل تۋرالى اقمولا وبلىستىق پوليسيا دەپارتامەنتىنىڭ باسپا ءسوز قىزمەتى حابارلادى.
2 جاسار بالانىڭ جوعالىپ كەتۋ فاكتىسى بويىنشا پوليسيا باسقارماسىنىڭ قىزمەتكەرلەرى ىزدەستىرۋ شارالارىن جۇرگىزدى.
ءتارتىپ ساقشىلارى قىزدىڭ بولۋى مۇمكىن بارلىق جاقىن اۋماقتار مەن باعىتتاردى شولىپ شىقتى. قابىلدانعان شارالاردىڭ ناتيجەسىندە كوكشەتاۋ قالاسى پب يۋۆەنالدى پوليسيا ءبولىمىنىڭ ۋچاسكەلىك ينسپەكتورلارى قۋات قاجىموۆ پەن نۇرتىلەۋ امانجول ءوتىنىش بەرۋشى تۇرعان ۇيدەگى پاتەرلەردىڭ بىرىنەن قىزدى تاۋىپ الدى.