سەناتورلار الماتى قالاسىنىڭ باس جوسپارىن ءازىرلەۋدىڭ جاڭا تءاسىلدەرىمەن تانىستى
پارلامەنت سەناتىنىڭ حالىقارالىق قاتىناستار، قورعانىس جءانە قاۋىپسىزدىك كوميتەتىنىڭ دەپۋتاتتارى الماتى قالاسىنىڭ باس جوسپارىنىڭ جوباسىمەن تانىستى. دەپۋتاتتارعا باس جوسپاردى ءازىرلەۋ تءاءسىلىنىڭ باستى جاڭالىعى – وزىق سيفرلىق تەحنولوگيالار مەن جوبالاۋدىڭ ءالەمدىك تءاجىريبەسىن پايدالانۋ بولعاندىعى تۋرالى ايتىلدى. سەناتورلارعا سونداي-اق، قۇرىلىس قۇرىلىمدارىنىڭ جالپى جاي-كءۇءيىن الدىن الا تەكسەرۋ جءانە باعالاۋ ءۇءشىن جىلجىمايتىن مءۇلىك وبەكتىلەرىنە پاسپورتتاۋ جءۇرگىزىلگەنى تۋرالى حابارلاندى.
سەنات دەپۋتاتتارى الماتى قالاسىنىڭ توتەنشە جاعدايلار دەپارتامەنتى باسشىسىنىڭ ءمىندەتىن اتقارۋشى ەرلان الىبەكوۆتىڭ بايانداماسىن تىڭدادى. ول جەر سىلكىنىسى كەزىندە حالىقتى ىس-ارەكەتكە دايىنداۋ جۇيەلى تۇردە جۇرگىزىلىپ جاتقانى تۋرالى ايتتى. وتكەن جىلدىڭ 2 جەلتوقسانىندا جوسپار بويىنشا مەگاپوليستىڭ 600 نىسانىندا جالپى قالالىق سەيسميكالىق جاتتىعۋ وتكىزىلدى جانە وعان 760 مىڭنان استام الماتى تۇرعىنى قاتىستى. اعىمداعى جىلى جالپى قالالىق سەيسميكالىق جاتتىعۋلار ءساۋىر جانە قىركۇيەك ايلارىنا جوسپارلانعان.
سەناتور عالياسقار سارىبايەۆ حالىقپەن ءجيى جۇمىس جۇرگىزۋ، ونىڭ ىشىندە زارداپ شەككەندەردى قابىلداۋ پۋنكتتەرى بويىنشا تجد قىزمەتى جونىندە ءاقپاراتتىق-تۇسىندىءرۋدى قولعا الۋ قاجەتتىگىن اتاپ ءوتتى. ال دەپۋتات جاننا اسانوۆا الماتى قالاسىنىڭ بارلىق تۇرعىندارى مەن قوناقتارى قاجەتتى اقپاراتقا يە بولۋى ءۇشىن «دارمەن» ينتەرنەت-قوسىمشاسىن وزەكتەندىرۋدى ۇسىندى.
سونىمەن قاتار، سەناتورلارعا داعدارىس ورتالىعىنىڭ جۇمىسى، سەل ءقاۋپىنىڭ اۆتوماتتاندىرىلعان مونيتورينگى جۇيەسى جانە «ارال» حابارلاندىرۋ جۇيەسى كورسەتىلدى.
سەناتورلار توتەنشە جاعدايلار مينيسترلىگىنىڭ رەسپۋبليكالىق جەدەل-قۇتقارۋ جاساعىنىڭ قىزمەتكەرلەرىمەن ماڭىزدى ماسەلەلەردى تالقىلادى. سونداي-اق، سەيسمولوگيا ينستيتۋتىندا دا بولدى.
«اقشام-اقپارات»