باسپا ءسوز كارتاسىن العان جۋرناليستەر بەلگىلى ءبىر مارتەبەگە يە بولادى

باسپا ءسوز كارتاسى جۋرناليستەردىڭ مۇددەلەرىن قورعاۋعا ارنالعان

ۇلتتىق مەديا قاۋىمداستىعىنىڭ ءتوراعاسى كەمەلبەك ويشىبايەۆ باسپا ءسوز كارتاسىن ەنگىزۋدىڭ قانداي ارتىقشىلىعى بار ەكەنىن ايتتى، دەپ حابارلايدى Almaty-akshamy.kz BAQ.KZ-كە سىلتەمە جاساپ.

"ماسس-مەديا تۋرالى" زاڭ جوباسى قوعامدا قىزۋ تالقىلانىپ جاتىر. الەۋمەتتىك جەلىلەردە كوپتەگەن پىكىر مەن ۇستانىم ايتىلۋدا.

«باسپا ءسوز كارتاسىنا قاتىستى ءارتۇرلى تۇسىندىرمەلەر بار. باسپا ءسوز كارتاسى جۋرناليستەردىڭ مۇددەلەرىن قورعاۋعا ارنالعان. ارينە، پرەسس-كارتانى الۋدىڭ قاجەتى جوق، ءبىراق كىم پرەسس-كارتاعا يە بولسا، ونىڭ ەرەكشە مارتەبەسى بولماق. بۇل ءبىرقاتار مۇمكىندىككە جول اشادى، ونىڭ ىشىندە ەلدەگى ۇيىمدار، اسىرەسە، مەملەكەتتىك ۇيىمدار قولجەتىمدى بولادى. بىلايشا ايتقاندا،  جۋرناليستەر ءۇشىن بەلگىلى ءبىر پايداسى بار. بۇل كارتانى بۇكىل جۋرناليستەر مىندەتتى تۇردە الۋدىڭ قاجەتى جوق. باسپا ءسوز كارتاسىن الماي-اق قىزمەتىن وزگەلەرمەن بىرگە  جالعاستىرا الادى. الايدا، باسپا ءسوز كارتاسىن الۋ ارقىلى بەلگىلى ءبىر مۇمكىندىكتەرگە يە بولادى»، - دەدى قاۋىمداستىق ءتوراعاسى. 

بۇعان دەيىن  كەمەلبەك ويشىبايەۆ اتالعان زاڭ جوباسىنا قاتىستى قىزۋ تالقىعا ءتۇسىپ جاتقان بىرنەشە ماسەلە بارىن اتاپ، زاڭ جوباسىنا ءالى دە تۇزەتۋلەر ەنگىزۋگە بولاتىنىن ايتقان بولاتىن.