جيروۆ امەريكالىق بوكسشىمەن ريەۆانش وتكىزبەك

سپورتشى 2009 جىلدان بەرى رينگكە شىققان جوق

1996 جىلعى وليمپيادا چەمپيونى، ءبىرىنشى اۋىر سالماقتا IBF تۇجىرىمى بويىنشا بۇرىنعى الەم چەمپيونى قازاقستاندىق ۆاسيليي جيروۆ «سپورت-ەكسپرەسس» باسىلىمىنا بەرگەن سۇحباتىندا امەريكالىق دجەيمس تونيمەن ريەۆانش وتكىزگىسى كەلەتىنىن ايتتى، دەپ حابارلايدى Almaty-akshamy.kz Tengrinews.kz سايتىنا سىلتەمە جاساپ.
جيروۆ 2009 جىلدان بەرى رينگكە شىققان جوق، ءقازىر جاسى - 47-دە.
«شوۋ تۇرىندەگى جەكپە-جەك وتكىزەمىز شىعار - ەكى شال رينگكە شىعىپ، جۇدىرىقتاسادى. وسىنداي جەكپە-جەك وتكىزۋ ويدا بار. «توني، جەكپە-جەك وتكىزەيىك» دەدىم. ول بولسا... بىردە كەلىسەدى، بىردە كەلىسپەيدى. ءالى قورقىپ جۇرگەن شىعار»، - دەدى جيروۆ.
جيروۆ پەن توني اراسىنداعى جەكپە-جەك 2003 جىلى 26 ساۋىردە وتكەن. توني تورەشىلەر شەشىمىمەن جەڭىپ، قازاقستاندىق بوكسشىعا تيەسىلى IBF تيتۋلىن يەلەنگەن بولاتىن. جيروۆ كەيىن توني ادىلەتسىز جەڭگەنىن ايتقان. The Ring جۋرنالى سول كەزدەسۋدى 2003 جىلدىڭ ۇزدىك جەكپە-جەگى دەپ تانىعان ەدى.
ءقازىر دجەيمس توني 53 جاستا، كاسىپقوي بوكستان ءالى كەتپەدى. 23 قازاندا ول 49 جاستاعى دجەرەمي ۋيليامسپەن جۇدىرىقتاسادى.