داۋ دەپۋتاتتىڭ جامبىل وبلىسى سارىمولدايەۆ اۋىلىنداعى ۇيىنە قاتىستى بولعان.
جيگۋلي دايرابايەۆ ۇيىنە قاتىستى ءىس بويىنشا سوتتا جەڭىلىس تاپتى، دەپ حابارلايدى Almaty-akshamy.kz
ق ر پارلامەنتى ءماجىلىسىنىڭ دەپۋتاتى جيگۋلي دايرابايەۆ جامبىل وبلىسى سارىمولدايەۆ اۋىلىنداعى ءۇيدى ساتۋعا قاتىستى سوتتا جەڭىلىپ قالدى.
تالاپكەر ايەلىمەن بىرنەشە جىل بۇرىن اجىراسىپ كەتكەن جەرگىلىكتى تۇرعىن سايت رۋزييەۆ بولىپ شىقتى. ايەلى ورتاق ءۇيدى جيگۋلي دايرابايەۆقا ساتىپ جىبەرگەن.
7 ماۋسىمدا جامبىل وبلىسى تۇرار رىسقۇلوۆ اۋدانىنىڭ سوتى سايت رۋزييەۆتىڭ بۇرىنعى ايەلى مەن دەپۋتات جيگۋلي دايرابايەۆقا، نوتاريۋس جانە وبلىستىق ادىلەت دەپارتامەنتىنىڭ قىزمەتكەرلەرىنە قاتىستى ارىزى بويىنشا شەشىم شىعاردى.
سايد رۋزييەۆتىڭ بۇرىنعى ايەلى مەن جيگۋلي دايرابايەۆ اراسىنداعى 2021 جىلعى 5 قاراشاداعى سارىمولدايەۆا اۋىلىنداعى ءۇيدى ساتىپ الۋ-ساتۋ مامىلەسى جارامسىز دەپ تانىلدى، مۇلىك - بۇرىنعى ەرلى-زايىپتى بىرلەسىپ جيعان پايدا. ولاردىڭ بىرلەسكەن مۇلىكتەگى ۇلەسى 50 پايىزدان دەپ انىقتالدى.