بۇل تۋرالى رەسپۋبليكالىق جەكە سوت ورىنداۋشىلار پالاتاسىنىڭ ءتوراعاسى ايدوس يمانبايەۆ ايتتى.
بىلتىر جەكە سوت ورىنداۋشىلار كاسىپكەرلەردىڭ پايداسىنا 185 ملرد تەڭگە وندىرگەن، دەپ حابارلايدى Almaty-akshamy.kz
2022 جىلى اليمەنت تولەمەگەن 4 065 ادام اكىمشىلىك، 126 بورىشكەر قىلمىستىق جاۋاپقا تارتىلعان.
"سوت ورىنداۋشىلاردىڭ قابىلداعان شارالارىنىڭ ناتيجەسىندە 94% ءىس بويىنشا ءوندىرىپ الۋشىلارعا اي سايىن اليمەنت تولەنىپ كەلەدى. ونىڭ ىشىندە 63%-ى ايلىعىنان ۇستالسا، بورىشكەرلەردىڭ 31%-ى ءوز ەركىمەن تولەيدى. سونىمەن قاتار، 14 ملرد تەڭگە قارىز سوماسىنداعى 15 مىڭعا جۋىق ءىس پروبلەمالىق سانالادى. ونداي بورىشكەرلەردىڭ زاڭدى ءوندىرىپ الۋعا جاتاتىن تابىستارى مەن مۇلكى جوق. ءبىر ادامنىڭ ورتاشا قارىزى 800 مىڭ تەڭگە"، - دەدى ايدوس يمانبايەۆ ورتالىق كوممۋنيكاسيالار قىزمەتىندە وتكەن بريفينگىدە.
ونىڭ ايتۋىنشا، اليمەنت تولەي المايتىن ادامدار جۇمىسقا ورنالاستىرىلادى. ودان جالتارعان جاعدايدا جاۋاپقا تارتىلادى.
"ماسەلەن، بىلتىر 4 065 اليمەنت بويىنشا بورىشكەر اكىمشىلىك جاۋاپكەرشىلىككە تارتىلدى. بۇل 2021 جىلمەن سالىستىرعاندا 303 ىسكە كوپ. اليمەنت تولەمەگەنى ءۇشىن 126 بورىشكەر قىلمىستىق جاۋاپكەرشىلىككە تارتىلدى. تۇراقتى بوس ورىندار جارمەڭكەسىنىڭ ارقاسىندا سوت ورىنداۋشىلاردىڭ كومەگىمەن جىل سايىن كەمىندە 2 000 جۇمىسسىز بورىشكەر جۇمىسقا ورنالاسادى"، - دەدى پالاتا ءتوراعاسى.
سونداي-اق ايدوس يمانبايەۆ بىلتىر جەكە سوت ورىنداۋشىلار كاسىپكەرلەردىڭ پايداسىنا 185 ملرد تەڭگە وندىرگەنىن اتاپ ءوتتى.
قازىرگى ۋاقىتتا بالا قۇقىعىن قورعاۋ جونىندەگى ۋاكiلەتتi ورگان باستاماسىمەن اليمەنت مولشەرiن قايتا قاراۋ ۇسىنىسى كوتەرىلىپ جاتىر.