بۇگىن "اۋىل" حالىقتىق-دەموكراتيالىق پاتريوتتىق پارتياسىنىڭ رەسپۋبليكالىق قوعامدىق شتابىنىڭ وتىرىسى ءوتىپ، وندا قازاقستان رەسپۋبليكاسىنىڭ پرەزيدەنتتىگىنە كانديدات جيگۋلي دايرابايەۆتىڭ ۇگىت-ناسيحات ناۋقانىنىڭ بارىسى تالقىلاندى. ءىس-شاراعا پارتيانىڭ وڭىرلىك فيليالدارىنىڭ، وڭىرلىك شتابتاردىڭ باسشىلارى مەن مۇشەلەرى قاتىستى.
"اۋىل" پارتياسى ۇگىت-ناسيحات ناۋقانى اياسىندا ەلىمىزدىڭ بارلىق 20 ءوڭىرىن قامتىعانى اتاپ ءوتىلدى. ولار بارلىق 88 قالادا جانە 166 اۋىلدىق جەردە ۇگىت-ناسيحات شارالارىن ۇيىمداستىرادى. وڭىرلىك شتابتار 2 500-دەن استام ءىس-شارانى قامتيتىن ۇگىت-ناسيحات جوسپارىن ازىرلەسە، ونىڭ 70% - ى وتكىزىلدى. شتابتار سايلاۋ كۇنى ءۇشىن سەنىم بىلدىرىلگەن ادامدار مەن باقىلاۋشىلاردى دايارلاۋ بويىنشا جۇمىس جۇرگىزۋدە.
ۇگىت-ناسيحات ناۋقانى الەۋمەتتىك جەلىلەردە دە، باق-دا دا بەلسەندى جۇرگىزىلۋدە. "اۋىل" پارتياسىنىڭ پاراقشاسىندا سايلاۋ الدىنداعى ۇگىتتى وتكىزۋ بارىسى تۋرالى 343 جاريالانىم شىقتى. باق-دا 3000-نان استام ماتەريال، ونىڭ ىشىندە كانديداتتىڭ "ەگەمەن قازاقستان" جانە "كازاحستانسكايا پراۆدا" رەسپۋبليكالىق گازەتىنە بەرگەن سۇحباتى جارىق كوردى. جالپى، "اۋىل" پارتياسىنان كانديدات جيگۋلي دايرابايەۆتىڭ قىزمەتىن جاريالاۋ بويىنشا بەلسەندى جۇمىس جالعاساتىن بولادى.
بۇگىندە جيگۋلي دايرابايەۆ باستاعان توپ وكىلدەرى جامبىل، تۇركىستان، قىزىلوردا، اقتوبە، اقمولا، قاراعاندى، پاۆلودار، جەتىسۋ، الماتى، شقو، اباي وبلىسىنىڭ، سونىمەن قاتار استان، الماتى، شىمكەنت قالاسىنىڭ سايلاۋشىلارمەن كەزدەستى. ال كانديداتتىڭ سەنىمدى وكىلدەرى – "اۋىل" پارتياسى ءتوراعاسىنىڭ ورىنباسارلارى قايرات ايتۋگانوۆ پەن نيكولاي ارسيۋتين قوستاناي جانە سولتۇستىك قازاقستان وبلىسىندا سايلاۋشىلارمەن كەزدەسۋدە. جيگۋلي دايرابايەۆ اگروونەركاسىپتىڭ وندىرىستىك ورتالىقتارىنا بارىپ، ولاردىڭ قىزمەتىمەن تانىستى، جۇمىسشى ۇجىمدارىمەن سۇحباتتاستى. سونىمەن قاتار، ول ءار ايماقتىڭ تۇرعىندارىمەن كەزدەسىپ، ءوزىنىڭ سايلاۋالدى باعدارلاماسىنىڭ نەگىزگى باعىتتارىن بايانداپ، سايلاۋشىلاردىڭ سۇراقتارىنا جاۋاپ بەردى. كانديدات كەلەسى اپتادا اتىراۋ، باتىس قازاقستان جانە ماڭعىستاۋ وبلىسىنىڭ سايلاۋشىلارىمەن كەزدەسۋدى جوسپارلاپ وتىر.