ۇلتتىق تاسىمالداۋشى 2 قاڭتارعا "كوكشەتاۋ، بۋراباي، اتباسار، پاۆلودار كۋرورتى" باعىتتارى بويىنشا اۋا رايىنىڭ قولايسىزدىعىنا بايلانىستى اۆتوكولىك قوزعالىسىنا شەكتەۋلەر ەنگىزىلگەندىكتەن ازاماتتاردى تاسىمالداۋ ءۇشىن 4 قوسىمشا قالا ماڭىنداعى باعىتتار بويىنشا پويىز جۇرگىزەدى، دەپ حابارلايدى Almaty-akshamy.kz «جولاۋشىلار تاسىمالى» اق باسپا ءسوز قىزمەتىنە سىلتەمە جاساپ.
2023 جىلعى 26 جەلتوقساننان 2024 جىلعى 5 قاڭتارعا دەيىن ۇلتتىق تاسىمالداۋشى قوسىمشا پويىزدار مەن تىركەمە ۆاگوندار ەسەبىنەن 20 مىڭ قوسىمشا ورىن ۇيىمداستىردى. سوڭعى 2 كۇن ىشىندە 4 مىڭنان استام جولاۋشى تاسىمالداندى.
«جولاۋشىلار تاسىمالى» اق ۆوكزالدار مەن پويىزدار دا جولاۋشىلار اعىنىنىڭ كۇرت ۇلعايۋىن ەسكەرە وتىرىپ، ازاماتتارعا اۋا رايى جاعدايلارىن ەلەپ، ءوز ساپارلارىن الدىن الا جوسپارلاۋدى جانە جولاۋشىلاردىڭ قاۋىپسىزدىگىن قامتاماسىز ەتۋگە باعىتتالعان شارالارعا تۇسىنىستىكپەن قاراۋدى سۇرايدى.- دەيدى قتج حابارلاماسىندا
جولاۋشىلار پويىزدارىنىڭ قوزعالىس كەستەسى بويىنشا انىقتامالىق اقپاراتتى «1433»تەگىن ءنومىرى، «KTZH_PP_BOT» بوت جەدەلحاتتارى، سونداي-اق «جولاۋشىلار تاسىمالى» اق @jolaushylar_tasymaly رەسمي Instagram-اككاۋنتى ارقىلى الۋعا بولادى.
«جولاۋشىلار تاسىمالى» اق باسپا ءسوز قىزمەت