28 پانفيلوۆشى-گۆاردياشىلار ساياباعىندا قارۋلى كۇشتەر قاتارىنا 50 جاس جىگىتتى شىعارىپ سالۋ شاراسى ءوتتى.
شارا بارىسىندا دەسانتتىقتار قويان-قولتىق ۇرىس كەزىندە قولداناتىن ادىستەرىن كوپشىلىككە كورسەتسە، اسكەري وركەستر پاتريوتتىق انمەن ءىس-شارىنىڭ كوركىن كىرگىزدى، دەپ حابارلايدى اlmaty-akshamy.kz.
جىل سايىن الماتىدان ءۇش مىڭنان استام جاس شاقىرىلىپ، ءبىر جارىم مىڭعا جۋىق جاس الماتىلىقتار اسكەر قاتارىن تولىقتىرادى.
ايتا كەتۋ كەرەك، الماتىدان اسكەرگە اتتانعان جىگىتتەر قورعانىس مينيسترلىگىنىڭ، مەملەكەتتىك كۇزەت قىزمەتىنىڭ، ۇلتتىق ۇلاننىڭ جانە ۇقك شەكارا قىزمەتىنىڭ اسكەري بولىمدەرىندە مەرزىمدى اسكەري قىزمەتىن وتكەرەتىن بولادى. ىرىكتەۋ جانە ءبولۋ كەزىندە اسكەرگە شاقىرىلعانعا دەيىن الىنعان ماماندىقتار ەسكەرىلەدى. ءىس-شاراعا الماتى گارنيزونىنىڭ اسكەري قىزمەتشىلەرى، ب.مومىش ۇلى اتىنداعى «جاس ۇلان» رەسپۋبليكالىق اسكەري مەكتەبىنىڭ تاربيەلەنۋشىلەرى، اسكەرگە شاقىرىلۋشىلاردىڭ تۋىستارى قاتىستى.