الماتى قالاسىنىڭ اكىمى ەربولات دوسايەۆتىڭ مەدەۋ اۋدانىنىڭ تۇرعىندارىمەن كەزدەسۋى بارىسىندا تولە بي، 24 ب مەكەنجايدا ورنالاسقان "Lova Kitchen" كافەسىنىڭ جانىنان سالىنىپ جاتقان قوسالقى نىساننىڭ زاڭدىلىعىنا قاتىستى سۇراق قويىلعان ەدى، دەپ حابارلايدى almaty-akshamy.kz
الماتى قالاسى اكىمىنىڭ تاپسىرماسى بويىنشا الماتىنىڭ قالا قۇرىلىسىن باقىلاۋ باسقارماسى جوسپاردان تىس تەكسەرۋ جۇرگىزدى، ونىڭ بارىسىندا جازعى تەرراسا زاڭسىز سالىنعان قوسالقى نىساندا ورنالاسقاندىعى انىقتالدى. سونىمەن قاتار، تەرراسسانى سالۋ كەزىندە مەملەكەتتىك قورداعى تروتۋاردىڭ ءبىر بولىگى الىنعان.
قالا قۇرىلىسىن باقىلاۋ باسقارماسى مەنشىك يەسىن اقبتك-نىڭ 316-بابى 1، 321، 323-بولىگى بويىنشا اكىمشىلىك جاۋاپكەرشىلىككە تارتتى. سونداي-اق، "قامقور-ورتالىق" جشس-نە قاتىستى پروسەسسۋالدىق شەشىم قابىلداۋ ءۇشىن ماتەريالدى سوتقا جىبەرە وتىرىپ، اقبتك-نىڭ 319-بابى بويىنشا شارالار قابىلداندى.
ءاقبىجماس-تىڭ 27.12.2022 جىلعى قاۋلىسىمەن "قامقور-سەنتر" ج ش س ق ر اقبتك-نىڭ 319-بابى بويىنشا اكىمشىلىك جاۋاپكەرشىلىككە تارتىلدى جانە زاڭسىز تۇرعىزىلعان قۇرىلىس ءماجبۇرلى تۇردە ءسۇرىلىپ، اكىمشىلىك ايىپپۇل ءوندىرىلدى. مەنشىك يەسى بۇل شەشىمگە نارازىلىق ءبىلدىردى، الايدا الماتى قالالىق سوتىنىڭ قاۋلىسىمەن ءاقبىجماس-تىڭ قاۋلىسى وزگەرىسسىز قالدى.
بۇگىن سوت ورىنداۋشىلارىنىڭ قاتىسۋىمەن زاڭسىز تۇرعىزىلعان نىساندى ءسۇرۋ باستالدى.