ءبىرىنشى پارتيادا جىبەك پەن مارتينا 7:5 ەسەبىمەن باسىم ءتۇستى
قازاقستاندىق جىبەك قۇلامبايەۆا جۇپتىق سىندا استانادا ءوتىپ جاتقان ITF World Tennis Tour «BeeTV 60 Women's» ءتۋرنيرىنىڭ فينالىنا شىعا المادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستاندىق تەننيسشى پولياك قىزى مارتينا كۋبكامەن بىرگە جارتىلاي فينالدا رەسەيلىكتەر پولينا كۋدەرمەتوۆا – اناستاسيا تيحونوۆامەن شەبەرلىك بايقاستى.
ءبىرىنشى پارتيادا جىبەك پەن مارتينا 7:5 ەسەبىمەن باسىم ءتۇستى. ولار ەكىنشى سەتتە دە العا شىققانىمەن، شەشۋشى ساتتەردە قاتەلىكتەرگە بوي الدىرىپ، مۇمكىندىكتەرىن پايدالانا المادى – 5:7.
سۋپەر تاي-برەيكتە رەسەيلىك جۇپ جەڭىستى جۇلىپ الدى – 10:3.
وسىلايشا، ج.قۇلامبايەۆا جارىستى جارتىلاي فينالدان اياقتادى.
ەسكە سالا كەتەيىك، بۇدان بۇرىن جىبەك قۇلامبايەۆانىڭ استاناداعى جارىستىڭ جارتىلاي فينالىنا شىققانىن جازعان بولاتىنبىز.