دەنە شىنىقتىرۋمەن اينالىساتىن ادامدار سانى ارتىپ كەلەدى
پرەمەر-مينيستر الماتىداعى ساپارى بارىسىندا قايىرىمدىلىق باستاماسى اياسىندا سالىنعان «CHAMPION» جاڭا سپورت كەشەنىنە باردى. وندا باسسەين، ويىن جانە سپورت زالدارى، بەس فيتنەس ايماق، كافە بار. سپورت كەشەنى كۇنىنە 700 ادامعا دەيىن قىزمەت كورسەتە الادى، دەپ حابارلايدى Almaty-akshamy.kz.
جوبا ءارتۇرلى فورماتتاعى جاتتىعۋلار مەن جارىستاردى وتكىزۋ، سونداي-اق نيەت بىلدىرۋشىلەردىڭ بارلىعىنا، اسىرەسە، الەۋمەتتىك وسال توپتاعى بالالارعا سپورتپەن شۇعىلدانۋعا مۇمكىندىك بەرۋ ءۇشىن ىسكە اسىرىلدى.
ءاليحان سمايىلوۆ مۇنداي الەۋمەتتىك جوبالارعا جەكە ينۆەستيسيالار تارتۋ اسا ماڭىزدى ەكەنىن اتاپ ءوتتى، ويتكەنى بۇل الماتىنى سالاۋاتتى ءومىر سالتىن ۇستاناتىن قالا رەتىندە نىعايتۋعا ۇلەس قوسادى.
«الماتىلىقتار سپورتپەن شۇعىلدانۋدى جاقسى كورەدى. جىلدان-جىلعا جالپى دەنە شىنىقتىرۋمەن اينالىساتىن ادامدار سانى ارتىپ كەلەدى. بۇل ءۇردىستى قولداۋ كەرەك. اكىمدىك ەرەسەكتەر مەن ەرەكشە قاجەتتىلىكتەرى بار بالالارعا دا نازار اۋدارۋى كەرەك. ولار ءۇشىن سالىنىپ جاتقان دەنە شىنىقتىرۋ-ساۋىقتىرۋ كەشەندەرىندە سپورتپەن شۇعىلدانۋ جانە وڭالتۋ ءۇشىن بارلىق قاجەتتى جاعداي كوزدەلۋگە ءتيىس»، — دەدى پرەمەر-مينيستر.