الماتىنىڭ المالى اۋدانىندا بيىل جىبەك جولى داڭعىلىنىڭ جاياۋ جۇرگىنشىلەر ايماعى (نازاربايەۆ داڭعىلىنان سەيفۋللين داڭعىلىنا دەيىن) «قاسبەتتەن قاسبەتكە دەيىن» قاعيداتى بويىنشا جوندەۋدەن وتەدى. سونداي-اق، مۇسىرەپوۆ اتىنداعى بالالار مەن جاسوسپىرىمدەر تەاترى جانىنداعى سكۆەر قايتا جاڭارتىلادى. بۇل تۋرالى قالا اكىمى ەربولات دوسايەۆ اۋدان تۇرعىندارىمەن كەزدەسۋ بارىسىندا مالىمدەدى، دەپ حابارلايدى aqshamnews.kz
المالى اۋدانى – سوڭعى ءۇش جىلدا اۋقىمدى كوركەيتۋ جۇمىستارى جۇرگىزىلگەن قالانىڭ تاريحي ورتالىعى.
ماڭىزدى جوبالاردىڭ ءبىرى – قالا تۇرعىندارىنىڭ سۇيىكتى دەمالىس ورنى سانالاتىن م.مامەتوۆا مەن ءا.مولداعۇلوۆا اتىنداعى سكۆەردى قايتا جاڭارتۋ. 2024 جىلدىڭ جەلتوقسانىندا نەگىزگى قۇرىلىس-مونتاج جۇمىستارى اياقتالدى. كوگالداندىرۋ مەن گۇلزارلاردى وتىرعىزۋ 2025 جىلدىڭ كوكتەمىنە جوسپارلانعان.
قالانى كوركەيتۋگە باعىتتالعان تاعى ءبىر ءىرى جوبا – سايران كولىن كورىكتەندىرۋ. بىلتىر جەلتوقسانىندا اۆتوسۋارۋ جانە سۋمەن جابدىقتاۋ جۇيەسىن جۇرگىزۋ، ەلەكترمەن جابدىقتاۋ جانە جارىقتاندىرۋ كابەلدەرىن تارتۋ، سونداي-اق اعاشتاردى سانيتارلىق ماقساتتا كەسۋ جۇمىستارى اياقتالدى.
بيىل ءساۋىر-مامىر ايلارىندا، كۇن جىلىنعان سوڭ كەسپە تاس توسەۋ، شاعىن ساۋلەت نىساندارىن ورناتۋ جانە 200-دەن استام ءىرى جوكە اعاشى مەن باسقا دا جاسىل جەلەك وتىرعىزۋ جوسپارلانىپ وتىر.
ايتا كەتۋ كەرەك، المالى اۋدانىنداعى ەڭ كوپ باراتىن جاياۋ جۇرگىنشىلەر كوشەسى – پانفيلوۆ كوشەسى (كۇنىنە 10-15 مىڭ ادام) 2017 جىلدان بەرى جوندەۋ كورمەگەن. 2024 جىلدىڭ قاراشاسىندا قابانباي باتىر كوشەسىنەن جىبەك جولى داڭعىلىنا دەيىنگى بولىكتى كوركەيتۋ جوباسى اياقتالدى. جوبا اياسىندا جول بويى مەن شاعىن ساۋلەتتىك نىساندار جاڭارتىلىپ، جاسىل ايماق 20%-عا ۇلعايتىلىپ، كوپجىلدىق بۇتالار وتىرعىزىلدى.
بۇعان قوسا، وسى ايدا جىبەك جولى داڭعىلىنىڭ جاياۋ جۇرگىنشىلەر ايماعىن (نازاربايەۆ داڭعىلىنان سەيفۋللين داڭعىلىنا دەيىن) «قاسبەتتەن قاسبەتكە دەيىن» قاعيداتى بويىنشا كۇردەلى جوندەۋگە جانە مۇسىرەپوۆ اتىنداعى بالالار مەن جاسوسپىرىمدەر تەاترى جانىنداعى سكۆەردى قايتا قۇرۋعا جسق ازىرلەۋ باستالادى.
بۇل جۇمىستار 2025 جىلدىڭ قاراشا ايىندا اياقتالادى دەپ جوسپارلانعان.