2025 جىلى المالى اۋدانىندا «حالىقا قاتىساتىن بيۋدجەت» باعدارلاماسى اياسىندا 45 جوبا ىسكە اسىرىلاتىن بولادى. بۇل تۋرالى المالى اۋدانىنىڭ تۇرعىندارىمەن كەزدەسۋ بارىسىندا الماتى اكىمى ەربولات دوسايەۆ مالىمدەدى.
قالا باسشىسى اتاپ وتكەندەي، 45 جوبانىڭ 23ء-ى اۋلا اۋماقتارىن جوندەۋ، ولاردى كوگالداندىرۋ بويىنشا 4 جوبا جانە قوعامدىق كەڭىستىكتەردى اباتتاندىرۋ جانە كوگالداندىرۋ بويىنشا 18 جوبا. قوسىمشا 33 اۋلا اۋماعىن جوندەۋ ءۇشىن تاعى 500 ملن تەڭگە ءبولىندى. بارلىق اباتتاندىرۋ جۇمىستارى وسى جىلدىڭ ءساۋىر-قازان ايلارى ارالىعىندا جۇرگىزىلەدى.
ەستەرىڭىزگە سالا كەتەيىك، 2024 جىلى حقب اياسىندا اۋداندا 52 جوبا ىسكە اسىرىلىپ، 23 اۋلا اۋماعىنا قوسىمشا اعىمداعى جوندەۋ جۇرگىزىلدى.
ءۇش جىلدىڭ ىشىندە الماتىدا 39،1 ملرد تەڭگە سوماسىنا 938 جوبا ىسكە اسىرىلدى. 2025 جىلعا حقب باعدارلاماسىنا قالا بيۋدجەتىندە 17،1 ملرد تەڭگە قاراستىرىلعان.