جاساندى ينتەللەكت (AI) الەمدىك ەكونوميكاعا ايتارلىقتاي ىقپال ەتۋدە. 2030 جىلعا قاراي ونىڭ ۇلەسى 20 تريلليون دوللارعا جەتەدى. بۇل تۋرالى Digital Almaty 2025 سيفرلىق فورۋمى بارىسىندا ق ر پرەمەر-مينيسترى ولجاس بەكتەنوۆ مالىمدەدى، دەپ حابارلايدى Aqshamnews.kz
IDC ساراپتاما كومپانياسىنىڭ زەرتتەۋلەرىنە سايكەس، AI تەحنولوگياسىنىڭ ارقاسىندا ءجىو جىل سايىن 2-3%-عا ءوسۋى مۇمكىن. وسى مۇمكىندىكتى ەل ەكونوميكاسىن دامىتۋ ءۇشىن بارىنشا پايدالانۋ قاجەت ەكەنىن ايتتى ۇكىمەت باسشىسى.
ولجاس بەكتەنوۆ جاساندى ينتەللەكتتىڭ كەڭ تارالۋىنا ىقپال ەتەتىن ءۇش نەگىزگى فاكتوردى اتادى:
ادامي كاپيتالدى دامىتۋ – IT سالاسىنداعى الەمدىك كوشباسشىلار عىلىمي جوبالاردى بىرىگىپ جۇزەگە اسىرۋدا.
كووپەراسياعا كوشۋ – جاساندى ينتەللەكت باسەكەلەستىكتەن بىرلەسكەن دامۋ كەزەڭىنە وتۋدە.
اشىق يننوۆاسيالار – بەلگىلى پلاتفورمالاردا ەنتۋزياستار ءوز جوبالارىمەن ءبولىسىپ، جالپى تەحنولوگيالىق ىلگەرىلەۋگە ىقپال ەتۋدە.
"ءبىز بۇل تاجىريبەنى ءوزىمىزدىڭ جانە بىرلەسكەن جوبالارىمىز ءۇشىن پايدالانۋىمىز كەرەك"، – دەدى بەكتەنوۆ.