قازاقستان رەسپۋبليكاسىنىڭ ازاماتتىق اۆياسيا قىزمەتكەرلەرى كۇنىنە وراي QAZAQ AIR اۋەكومپانياسى 2025 جىلدىڭ 1-2 اقپان ارالىعىندا ارنايى ناۋقان جاريالايدى.
تەك 1-2 (قوسا العاندا) اقپان ارالىعىندا ءسىز اۋەكومپانيانىڭ سايتىندا سۋبسيديالانعان رەيستەردەن باسقا بارلىق باعىتتار بويىنشا تاريفتەن 15% جەڭىلدىكپەن بيلەتتەردى ساتىپ الا الاسىز. ساياحات كەزەڭى: 2025 جىلعى 3 اقپاننان 25 قازانعا دەيىن (قوسا العاندا)، دەپ حابارلايدى aqshamnews.kz كولىك مينيسترلىگىنە سىلتەمە جاساپ.
سونىمەن قاتار، 1-2 اقپان ارالىعىندا اۋەكومپانيانىڭ IQ Bonus جولاۋشىلاردى ىنتالاندىرۋ باعدارلاماسىنا تىركەلۋ كەزىندە 500 ەمەس، 2000 سالەمدەسۋ بونۋستارى ەسەپتەلەدى. بۇرىندا تىركەلگەن قاتىسۋشىلار ءۇشىن 1000 بونۋس قوسىلادى. IQ Bonus جولاۋشىلاردى ىنتالاندىرۋ باعدارلاماسىنا وسى سىلتەمە ارقىلى تىركەلە الاسىز. قوسىمشا اقپاراتتى اۋەكومپانيانىڭ www.flyqazaq.com رەسمي سايتىنان نەمەسە +7 727 3561414 بايلانىس ورتالىعىنىڭ نومەرىنە حابارلاسۋ ارقىلى الۋعا بولادى.
اۋەكومپانيا ۇشۋ گەوگرافياسىن كەڭەيتۋ بويىنشا جوسپارلى جۇمىس جۇرگىزىپ كەلەتىنىن اتاپ ايتۋ كەرەك. ەستەرىڭىزگە سالا كەتەيىك، اعىمداعى جىلى قاراعاندى – تۇركىستان، جەزقازعان – قاراعاندى جاڭا رەيستەرى ىسكە قوسىلدى. استانادان پاۆلودار مەن تۇركىستانعا ىشكى رەيستەر جاڭارتىلدى.