ءجي-دىڭ جالعان ۆيدەولارى جەلىنى جاۋلادى: مامان كەلەشەكتە حالىقتى قانداي ءقاۋىپ كۇتىپ تۇرعانىن ايتتى

الەۋمەتتىك جەلىدە جي ارقىلى جاسالعان ۆيدەولار قاپتادى. ولاردىڭ شىنعا ۇقسايتىنى سونشا جۇرتتىڭ ۇرەيىن تۋعىزىپ، ۇلكەن بۋىن ءتىپتى سەنىپ تە قالىپ جاتىر. اqshamnews.kz ءتىلشىسى مامانمەن تىلدەسىپ، جي جاۋلاعان كەلەشەكتەن نە كۇتۋگە بولاتىنىن ءسوز ەتتى. 

"جي مەن شىن ۆيدەونى اجىراتا المايتىن حالگە جەتتىك"

TikTok-تا جاساندى ينتەللەكت ارقىلى جاسالعان ءتۇرلى ۆيدەولار قاپتاپ كەتتى. كوپشىلىك ولاردىڭ شىن نە وتىرىك ەكەنىن اجىرا الماي جاتقاندارىن ءبولىسىپ جاتىر.

مۇنداي بەينەلەردەن بولەك جالعان سپورت تۇرلەرىمەن جارىسقا ءتۇسىپ جاتقان قازاقستاندىقتاردىڭ دا ۆيدەوسىن كورگەن بولارسىز. "ىدىس جۋۋدان چەمپيونات"، "ۇرىسۋدان جارىس"، ءتىپتى "نەسيە الۋدان جارىس" دەگەن ءتۇرلى اتاۋلارمەن deepfake-تەر (بۇل شىنايى ەمەس فوتو، بەينە نەمەسە اۋديو ماتەريال - ەسك.) تارادى. 

قانات يسرايلوۆ

NOVAHUB GROUP كومپانيالار توبىنىڭ نەگىزىن قالاۋشى، ءىت مامانى

“جي – ەكى ءجۇزدى قىلىش: پايداسى مەن ءقاۋپى قاتار جۇرەدى”

ءىت مامان قانات يسرايلوۆتىڭ ايتۋىنشا، جي ۆيدەولارىنان جاپا شەگۋ – تەحنولوگيانىڭ تىم جىلدام دامىپ، قوعامنىڭ ونى قابىلداۋ قارقىنىنىڭ باياۋلاۋىنان تۋىنداعان تابيعي جاعداي.

“جي – ەكى ءجۇزدى قىلىش. ءبىر جاعىنان، ول بيزنەس، مەديسينا، عىلىم سالالارىندا ۇلكەن سەرپىلىس اكەلەدى. ءبىراق ەكىنشى جاعىنان، deepfake ۆيدەولار الەۋمەتتىك تۇراقتىلىقتى بۇزىپ، قوعامداعى سەنىمدى ازايتۋى مۇمكىن. ەڭ ءقاۋىپتىسى – ادامداردىڭ شىنايى مەن جالعاندى اجىراتا الماۋى”، – دەيدى مامان.

ونىڭ ايتۋىنشا، بۇل ماسەلەنى شەشۋ تەك تەحنولوگيامەن ەمەس، سيفرلىق ساۋاتتىلىق پەن زاڭنامالىق رەتتەۋمەن قاتار جۇرۋگە ءتيىس.

“جي ماماندىقتى ەمەس، دايىن ەمەس ماماندى ىعىستىرادى”

جاساندى ينتەللەكت ادامداردىڭ جۇمىسىن تارتىپ الا ما؟ بۇل - كوپشىلىكتى مازالايتىن سۇراق. قانات يسرايلوۆ بۇل پىكىرمەن كەلىسپەيدى، ءبىراق ماماندىقتاردىڭ سيپاتى تۇبەگەيلى وزگەرەتىنىن ايتادى.

“الداعى 3-5 جىلدا جي قاراپايىم تاپسىرمالاردى ورىندايدى: ءماتىن جازۋ، كودتىڭ ءبىر بولىگىن جازۋ، قاراپايىم ديزاين جاساۋ. ءبىراق بۇل جويىلۋ ەمەس، ترانسفورماسيا. ءجي-دى مەڭگەرگەن مامان ونى قولدانا المايتىن 3-4 ادامنىڭ ورنىن باسا الادى. جي مامانداردى ىعىستىرمايدى، ونى پايدالانا بىلمەيتىندەردى عانا جۇمىسسىز قالدىرادى”، - دەيدى ول. 

10 جىلدان كەيىن، ونىڭ بولجاۋىنشا، تەك ادامدىق قاسيەتتەردى تالاپ ەتەتىن ماماندىقتار ءوز ورنىندا قالادى: باسقارۋ، پسيحولوگيا، ونەر، كەلىسسوز جۇرگىزۋ سياقتى باعىتتار.

Deepfake ۆيدەونى قالاي تانۋعا بولادى؟

جەلىنى تولتىرعان جالعان ۆيدەولاردان قورعانۋدىڭ ەڭ ءتيىمدى جولى – ساق بولۋ جانە اقپاراتتى تەكسەرۋ.
قانات يسرايلوۆ Deepfakeء-تى انىقتاۋدىڭ ءۇش قاراپايىم ءتاسىلىن ۇسىنادى:

1. بەت پەن كوز قوزعالىسىنا نازار اۋدارىڭىز.
   كوزدىڭ جىپىلىقتاۋى، ەرىننىڭ دىبىسپەن سايكەستىگى – ەڭ ءجيى قاتەلەسەتىن تۇستار.

2. جارىق پەن فون سايكەستىگىنە ءمان بەرىڭىز.
   ەگەر ادام مەن ارتقى فوننىڭ جارىعى بىر-بىرىنە سايكەس كەلمەسە، ۆيدەو جاساندى بولۋى ىقتيمال.

3. ەموسياعا بەرىلمەڭىز.
   كەز كەلگەن بەينە ءسىزدى اشۋلاندىرىپ، قورقىتىپ نەمەسە قۋانتسا، ءبىر ءسات توقتاپ، “بۇل راس پا؟” دەگەن سۇراق قويىڭىز. 

“Deepfakeء-تىڭ ەڭ ۇلكەن قارۋى – ەموسيا. ەموسياعا بەرىلمەسەڭىز، ءسىزدى الداۋ قيىن”، – دەيدى مامان.