ۇكىمەت وتىرىسىندا پرەمەر-مينيستر ولجاس بەكتەنوۆ 2025 جىلى ماڭىزدى زاڭنامالىق باستامالار قابىلدانعانىن اتاپ ءوتتى، - دەپ حابارلايدى Aqshamnews.kz.
«مەديسينالىق ساقتاندىرۋ، قۇقىق بۇزۋشىلىق پروفيلاكتيكاسى، بالامالى ەنەرگەتيكانى دامىتۋ، ينۆەستيسيالىق قورلاردى رەتتەۋ جانە باسقا دا ماڭىزدى باعىتتار بويىنشا ءبىرقاتار زاڭ جوباسى ازىرلەنىپ، پارلامەنت قاراۋىنا ەنگىزىلدى. اتاپ ايتقاندا، مىندەتتى الەۋمەتتىك مەديسينالىق ساقتاندىرۋعا قاتىستى قابىلدانعان شارالار ءار ازامات ءۇشىن قولجەتىمدى ءارى ساپالى مەديسينالىق قىزمەت كورسەتۋگە مۇمكىندىك بەرەدى. ينۆەستيسيالىق قورلار تۋرالى جاڭا زاڭ جوباسىنىڭ ەرەجەلەرى كاپيتال نارىعىن ودان ءارى ءتيىمدى دامىتۋعا ىقپال ەتەدى»، - دەپ اتاپ ءوتتى ولجاس بەكتەنوۆ.
سونىمەن قاتار پرەمەر-مينيستر زاڭ جوبالارىن ەنگىزۋ مەرزىمدەرىنىڭ ساقتالۋىنا قاتىستى ماسەلەلەرگە نازار اۋداردى.
«مىسالى، دەنساۋلىق ساقتاۋ تۋرالى زاڭ جوباسىن ۇكىمەتكە ەنگىزۋ مەرزىمىنەن 30 كۇنگە كەشىكتىرىلدى. مۇندايدى دوعارۋ قاجەت. مەملەكەتتىك ورگانداردىڭ ءبىرىنشى باسشىلارى زاڭ جوبالاۋ جۇمىستارى جوسپارىنىڭ ۋاقتىلى ىسكە اسىرىلۋىن تىكەلەي باقىلاۋدا ۇستاۋى ءتيىس. سونداي-اق ءبىرقاتار جوباعا ۇكىمەت اپپاراتى مەن پرەزيدەنت اكىمشىلىگىنىڭ ەسكەرتۋلەرىنەن كەيىن كوپ وزگەرىستەر ەنگىزىلىپ، قايتا پىسىقتالادى. جالپى العاندا، وسى جىلعا ارنالعان زاڭ جوبالارى پارلامەنت قاراۋىنا ەنگىزىلدى. دەمەك، جوسپار ورىندالدى دەپ ساناۋعا بولادى»، - دەدى ولجاس بەكتەنوۆ.