جەزقازعاندا دۇكەندەردىڭ ءبىرىنىڭ ماڭىندا جۇرگىزۋشىسى مەن جولاۋشىلارى جوق جەڭىل كولىك ەڭىسكە سىرعىپ كەتىپ، اۋدارىلىپ قالدى، دەپ حابارلايدى Aqshamnews.kz.
وقيعا بەينەباقىلاۋ كامەرالارىنا ءتۇسىپ قالعان.
ۇلىتاۋ وبلىستىق پوليسيا دەپارتامەنتىنىڭ باسپا ءسوز قىزمەتى اگەنتتىك تىلشىسىنە بەرگەن تۇسىنىكتەمەسىندە بۇل وقيعانىڭ الەۋمەتتىك جەلىلەردى مونيتورينگتەۋ بارىسىندا انىقتالىپ، بەلگىلەنگەن تارتىپپەن تىركەلگەنىن مالىمدەدى.
«قازىرگى ۋاقىتتا جۇرگىزۋشىنىڭ جەكە باسى انىقتالىپ جاتىر. تەكسەرۋ ناتيجەسى بويىنشا قولدانىستاعى زاڭناماعا سايكەس پروسەسسۋالدىق شەشىم قابىلدانادى»، – دەپ حابارلادى پوليسيا.