حوككەيدەن قازاقستان جاستار قۇراماسى ۇزاق ۇزىلىستەن سوڭ ەليتالىق ديۆيزيوندا ونەر كورسەتەدى، دەپ حابارلايدى aqshamnews.kz
26 جەلتوقساندا كانادا استاناسى وتتاۆادا حوككەيدەن جاستار اراسىنداعى الەم چەمپيوناتىنىڭ ەليتالىق ديۆيزيونى باستالدى. قازاقستان قۇراماسى بۇل دەڭگەيدە العاش رەت 2020 جىلدان بەرى قاتىسىپ وتىر. وتكەن جىلى قازاقستاندىق كوماندا IA ديۆيزيونىنىڭ تۋرنيرىندە مەرزىمىنەن بۇرىن جەڭىسكە جەتىپ، ەليتاعا جولداما العان بولاتىن.
ءبىزدىڭ قۇرامانىڭ العاشقى ويىنى 28 جەلتوقساندا استانا ۋاقىتىمەن 03:00-دە شۆەسيا قۇراماسىنا قارسى وتەدى.
توپتىق كەزەڭ اياسىندا قازاقستان قۇراماسى تاعى ءتورت كەزدەسۋ وتكىزەدى:
- چەحياعا قارسى — 28 جەلتوقساندا 23:00-دە.
- سلوۆاكياعا قارسى — 30 جەلتوقساندا 23:00-دە.
- شۆەيسارياعا قارسى — 31 جەلتوقساندا 22:00-دە.
بۇل ويىندار قازاقستان قۇراماسىنىڭ الەمدىك دەڭگەيدە ءوز مۇمكىندىكتەرىن كورسەتۋىنە ۇلكەن مۇمكىندىك بەرەدى. ەل جانكۇيەرلەرى جاستار قۇراماسىنان جوعارى ناتيجە كۇتىپ، ولاردىڭ جەڭىستى ونەرىنە سەنىم ارتادى.