تاۋەلسىزدىكتىڭ 30 جىلدىعى
مەملەكەت باسشىسىنىڭ تاپسىرماسىمەن الماتى وبلىسىنا پارلامەنت سەناتىنىڭ ءتوراعاسى ماۋلەن اشىمبايەۆ جۇمىس ساپارىمەن كەلدى. سەنات سپيكەرى الماتى وبلىسىنىڭ اكىمى قانات بوزىمبايەۆپەن بىرگە تاۋەلسىزدىكتىڭ 30 جىلدىعىنا ارنالعان جيىنعا قاتىسىپ، جەتىسۋلىقتارعا مەملەكەتتىك ناگرادالار تاپسىردى، دەپ حابارلايدى Almaty-akshamy.kz.
ەلىمىزدىڭ ەڭ ۇلىق مەرەكەسى - تاۋەلسىزدىكتىڭ 30 جىلدىعىنا ارنالعان سالتاناتتى جيىن تالدىقورعانداعى ب.ريموۆا اتىنداعى دراما تەاترىندا ءوتتى. جەتىسۋ جۇرتشىلىعىمەن كەزدەسۋدە ماۋلەن اشىمبايەۆ قازاقستاننىڭ تاۋەلسىز مەملەكەت رەتىندە قالىپتاسۋىنىڭ نەگىزگى كەزەڭدەرىنە جانە ەلىمىزدىڭ 30 جىلدا قول جەتكىزگەن تابىستارىنا توقتالدى. سەنات سپيكەرى وسى جىلدار ىشىندە ەلىمىز شەكارانى شەگەندەپ، جاڭا ەكونوميكالىق جۇيەگە كوشىپ جانە ونى نىعايتىپ، مەملەكەتتىك ينستيتۋتتاردىڭ بەرىك نەگىزىن قالاعانىن ايتتى.
«تۇڭعىش پرەزيدەنت – ەلباسى نۇرسۇلتان ءابىش ۇلى نازاربايەۆتىڭ تاريحي شەشىمىمەن ارقا تورىنە جاڭا ەلوردامىزدى تۇرعىزدىق. استانانى سالۋ تۇتاس ەلدىڭ ەكونوميكاسىنا مۋلتيپليكاتيۆتى اسەرىن تيگىزدى. قازىرگى تاڭدا نۇر- سۇلتان قالاسى بارلىق سالا مەن وڭىرگە قان جۇگىرتكەن ەلىمىزدىڭ ناعىز جۇرەگىنە اينالدى»، - دەدى سەنات ءتوراعاسى.
ماۋلەن اشىمبايەۆ تاۋەلسىزدىك العالى الماتى وبلىسىنىڭ ءوسىپ- وركەندەگەنىن جانە وسى كەزەڭدە ءوڭىر تۇرعىندارىنىڭ تۇرمىستىق جاعدايى ارتقانىن تىلگە تيەك ەتتى. ايماقتا ءىرى كاسىپورىندار بوي كوتەرىپ، مىڭداعان جۇمىس ورنى اشىلعانىنا نازار اۋداردى.
سونداي-اق سەنات ءتوراعاسى پرەزيدەنت قاسىم-جومارت توقايەۆتىڭ ەلىمىزدى جاڭعىرتۋ باعدارى قازاقستاننىڭ دامۋىنا تىڭ سەرپىن بەرگەنىن جانە سونىڭ اياسىندا ساياسي، الەۋمەتتىك رەفورمالاردى ىسكە اسىرۋعا جول اشىلعانىن جەتكىزدى.
«ساياسي باسەكەنىڭ نىعايۋىنا ىقپال ەتكەن ماڭىزدى شەشىمدەر قابىلداندى. الەۋمەتتىك سالانى دامىتۋعا ايتارلىقتاي نازار اۋدارىلدى. مۇعالىمدەردىڭ، مەديسينا، مادەنيەت قىزمەتكەرلەرىنىڭ جالاقىسى ەداۋىر ۇلعايدى. ۇستازداردىڭ مارتەبەسى ءوستى. مۇگەدەكتەردى قولداۋ باعىتىنداعى زاڭنامالىق بازا نىعايا ءتۇستى. ەكونوميكانى ءارتاراپتاندىرۋ ءىسى جاڭا قارقىنمەن جالعاسىن تاپتى»، - دەدى ماۋلەن اشىمبايەۆ.
سالتاناتقا جينالعان كوپشىلىكتى الماتى وبلىسىنىڭ اكىمى قانات بوزىمبايەۆ تا قۇتتىقتاپ، تاۋەلسىزدىكتىڭ ەل دامۋىنداعى ءمان-ماڭىزىنا توقتالدى:
«بيىل بارشا قازاقستاندىقتار تاۋەلسىزدىگىمىزدىڭ 30 جىلدىعىن اتاپ وتۋدە. ەلدىگىمىزدىڭ التىن ارقاۋى، بىرلىگىمىزدىڭ بەرىك باستاۋى بولعان وسى مەرەيلى مەرەكەمەن سىزدەردى شىن جۇرەكتەن قۇتتىقتايمىن! ءوز تاۋەلسىزدىگىن جاريالاعان قازاقستان تۇڭعىش پرەزيدەنتىمىز نۇرسۇلتان ءابىش ۇلى نازاربايەۆتىڭ باتىل باستاماسىمەن جانە ولشەۋسىز ەڭبەگىمەن جاڭا دا جاسامپاز داۋىرگە قادام باستى. وسى جىلدار ىشىندە عاسىرعا بەرگىسىز مۇمكىندىكتەرگە جول اشىلدى، اۋقىمدى جۇمىستار اتقارىلدى. ەلباسىنىڭ ساليقالى ساياساتىمەن ىسكە اسىرىلعان ۇلان-عايىر ىستەردى ءقازىر پرەزيدەنتىمىز قاسىم-جومارت كەمەل ۇلى توقايەۆ جالعاستىرىپ كەلەدى.