ايبات سەيتەن جەڭىمپاز اتاندى
قازاقستان تاۋەلسىزدىگىنىڭ 30 جىلدىعىنا وراي ەلوردالىق "بايقوڭىر" اۋدانىنىڭ اكىمدىگى قازاق كۇرەسىنەن "بايقوڭىر بارىسى-2021" ءتۋرنيرىن وتكىزدى، دەپ حابارلايدى Almaty-akshamy.kz.
سپورت جارىستارى "ءوندىرىس" تۇرعىن الابىنداعى جاڭا دەنە شىنىقتىرۋ-ساۋىقتىرۋ كەشەنىندە ءوتىپ، ءوز الاڭىندا ەلىمىزدىڭ ءار وڭىرىنەن 24 سپورتشىنى جينادى.
جارىسقا ازيا چەمپيونى ايبات سەيتەن، "اسكەر بارىسى" اتاعىنىڭ يەگەرلەرى ولجاس شىنكەيەۆ پەن الىبەك زەكەنوۆ، "اقمولا وبلىسى بارىسى" قايرات ماحتين، "پاۆلودار بارىسى" مۇحتار دالەلحان ۇلى، "تۇركىستان بارىسى" توقتاربەك ايداربەكوۆ، "ەۋرازيا بارىسى" ايبول ايتبەك، "سىر بارىسى" نۇرىم سالىمگەرەيەۆ، "الەم بارىسى" حالىقارالىق ءتۋرنيرىنىڭ كۇمىس جۇلدەگەرى " ماقسات يساعابىلوۆ.
"بايقوڭىر بارىسى-2021" ءتۋرنيرىنىڭ جەڭىمپازى استانالىق پالۋان ايبات سەيتەن، كۇمىس جۇلدەنى پاۆلودار وبلىسىنان مۇحتار دالەلحان ۇلى، قولانى جامبىل وبلىسىنان ايتبەك ايبول جەڭىپ الدى.
«مەن 2019 جىلى "بايقوڭىر بارىسى" اتتى ءبىرىنشى تۋرنيرگە قاتىستىم، سول كەزدە جەڭىمپاز اتاندىم. سودان كەيىن جارىستار جوعارى دەڭگەيدە ءوتتى. ەندى ەكىنشى رەت قاتىسىپ وتىرمىن، وتە مىقتى سپورتشىلار كەلدى، ولاردىڭ اراسىندا الەم جانە ازيا چەمپيوندارى دا بار، قارسىلاستار جاقسى دايىندالعان. 90 كەلىدەن جوعارى سالماق دارەجەسىندەگى بالۋاندار جەڭىمپاز اتاعى ءۇشىن كۇرەستى. بۇل "بايقوڭىر" اۋدانى اكىمدىگىنىڭ وسىنداي ءتۋرنيردى وتكىزۋ تۋرالى جاقسى باستاماسى. جىل سايىن ۇيىمداستىرىلسا جانە سپورتشىلارمەن بىرگە وسسە ەكەن دەپ تىلەيمىن»، - دەدى "بايقوڭىر بارىسى-2021" جەڭىمپازى ايبات سەيتەن.
"بايقوڭىر بارىسى-2021" ءتۋرنيرى بۇقارالىق سپورتتى دامىتۋعا، اۋداننىڭ جاس سپورتشىلارى اراسىندا قازاق كۇرەسىنىڭ ۇلتتىق سپورت ءتۇرىن ناسيحاتتاۋعا جانە سالاۋاتتى ءومىر سالتىن ناسيحاتتاۋعا باعىتتالعان.
«بۇگىن قازاق كۇرەسىنەن اشىق تۋرنير ءوتتى. وعان رەسپۋبليكانىڭ 20-دان استام سپورتشىسى، جاس سپورتشىلار دا، الەم جانە ازيا چەمپيوندارى دا قاتىستى. قازاقستان مەن استانادا سپورتتىڭ وسى تۇرىنە ۇلكەن قىزىعۋشىلىق بايقالادى، سوندىقتان مۇنداي تۋرنيرلەر – ءبىزدىڭ سپورتشىلاردى ۇلكەن قولداۋ بولىپ تابىلادى. ولار وزدەرىن كورسەتە الادى جانە ءوز كۇشتەرى مەن مۇمكىندىكتەرىن سىناي الادى. سونىمەن قاتار، نۇر-سۇلتاندا اكىمدىك وسىنداي سپورت كەشەنىن سالدى، مۇندا ءبىز سپورتتىق ءىس - شارالاردى جوعارى دەڭگەيدە وتكىزە الامىز»، - دەپ اتاپ ءوتتى سپورت جانە دەنە شىنىقتىرۋ ىستەرى كوميتەتىنىڭ ءتوراعاسى سامات ەرعالييەۆ.
«قازاقستان رەسپۋبليكاسى تاۋەلسىزدىگىنىڭ 30 جىلدىعى قارساڭىندا "ءوندىرىس" تۇرعىن الابىنىڭ تۇرعىندارى ءۇشىن جاڭا دەنە شىنىقتىرۋ-ساۋىقتىرۋ كەشەنى اشىلدى. مۇندا پوليسيا پۋنكتى، ءۇش جاتتىعۋ زالى، حقكو بولىمشەسى بار، جاقىن ارادا "قازپوشتا" فيليالى اشىلادى. كەشەنگە تۇرعىن الابىنىڭ 40 مىڭعا جۋىق تۇرعىنى بارا الادى، مۇندا سالاۋاتتى ءومىر سالتى مەن بۇقارالىق سپورت ناسيحاتتالادى. ءدال وسى جەردە ءبىز "بايقوڭىر بارىسى-2021" اتتى ۇلكەن تۋرنير وتكىزدىك. ءبىزدىڭ ءوسىپ كەلە جاتقان سپورتشىلارىمىز ءۇشىن بۇل الەمدىك سپورت الاڭدارىندا ەلدى دارىپتەيتىن اتاقتى پالۋانداردان تاجىريبە جيناۋ مۇمكىندىگى»، - دەپ اتاپ ءوتتى "بايقوڭىر" اۋدانىنىڭ اكىمى نۇربول نۇرساعاتوۆ.