جەتىسۋدا ەتنوشەبەرحانا اشىلدى

بۇل - جاستاردى كاسىپكە ۇيرەتۋگە باعىتتالعان الەۋمەتتىك ماڭىزى بار جوبا.

الماتى وبلىسىندا تۇراتىن نازىك جاندار ءجۇن وڭدەيتىن جانە ۇلتتىق كورپەلەر شىعاراتىن ەتنوشەبەرحاناسىن اشتى، دەپ حابارلايدى Almaty-akhamy.kz.

اتالمىش شەبەرحانا قاپال اۋىلىندا اشىلعان. ۇيىمداستىرۋلاردىڭ ايتۋىنشا، بۇل - اۋىلداعى كاسىپكەرلىكتى دامىتىپ، جاستاردى كاسىپكە ۇيرەتۋگە باعىتتالعان الەۋمەتتىك ماڭىزى بار جوبا.

قازىرگى ۋاقىتتا ءوز كاسىبىڭدى اشىپ، ەڭبەك ەتۋ كەرەك. سوندىقتان ءبىز ۋاقىت اعىمىنا قاراي ءوز كاسىبىمىزدى باستاۋعا بەل بۋدىق. باعدارلاما جەڭىمپازى اتانىپ، قايتارىمسىز نەسيەگە قول جەتكىزدىك. ەندىگى كەزەكتە ۇلتتىق ونەردىڭ قايتا جاڭعىرىپ، دامۋىنا ءوز ۇلەسىمىزدى قوسقىمىز كەلەدى، – دەيدى سەحتى اشۋشىلار.

جوبانىڭ جالپى قۇنى 500 مىڭ تەڭگە. بۇگىندە 2 جۇمىس ورنى قۇرىلىپ، 10 ادام ۇلتتىق ونەردىڭ قىر-سىرىن وقىپ-مەڭگەرۋدە.

«باستى ماقسات – ۇلتتىق ونەردى ادەمى كورپەلەرگە كەستەلەي وتىرىپ، ءداستۇردى قايتا جاڭعىرتۋ. العاشقى كەزەڭدە ەتنوشەبەرحانا ءوز جۇمىسىن اۋىل حالقىن ونىممەن قامتاماسىز ەتۋگە باعىتتايدى»،– دەلىنگەن الماتى وبلىسى اكىمدىگىنىڭ باسپا ءسوز قىزمەتىنىڭ حابارىندا.