قالاداعى ءبىلىم بەرۋ ۇيىمدارى Ashyq جوباسىنا قاتىسىپ كەلەدى.
جاڭا وقۋ جىلىندا 287 ءبىلىم بەرۋ ۇيىمى جۇمىسىن باستايدى. ال، ءبىرىنشى سىنىپقا 30 مىڭعا جۋىق بالا قابىلدانعان، دەپ حابارلايدى Almaty-akshamy.kz Almaty.tv cايتىنا سىلتەمە جاساپ.
«ۇستاز الدىندا شاكىرت وتىرسا، ول دا ءوز الدىنا قۋانىش ەكەن. ناعىز ۇستاز باقىتى شاكىرتىمەن بىرگە ەكەن. سوندىقتان شاكىرتتەرىمىزدى اسىعا كۇتۋدەمىز. ساعىندىق. جاڭا وقۋ جىلىنا دايىنبىز. بارلىق وقۋ كابينەتتەرى زاماناۋي جاڭا تەحنولوگيالارمەن جابدىقتالىپ، وقۋشىلارىمىزدى ساعىنا كۇتۋدە»، – دەدى م.ماقاتايەۆ اتىنداعى №140 گيمنازيانىڭ ديرەكتورى ءسانيا تىلەۋباي.
قالادا ءقازىر 12 مىڭ 600 ورىندىق 8 مەكتەپتىڭ جانە 8 مىڭ 263 ورىندىق قوسىمشا عيماراتتاردىڭ قۇرىلىسى ءجۇرىپ جاتىر. سونىڭ ىشىندە 9 قوسىمشا نىساننىڭ قۇرىلىسى 1 قىركۇيەكتە اياقتالىپ، 4 مىڭ وقۋشى ورىنمەن قامتاماسىز ەتىلەدى.