الماتىدا سۋ جاڭا بوكس كلۋبى اشىلدى

بۇل كلۋبقا از قامتىلعان جانە كوپ بالالى وتباسىلاردىڭ بالالارى تەگىن قاتىسىپ، جاتتىعا الادى. 

الماتىدا از قامتىلعان جانە كوپ بالالى وتباسىلاردىڭ بالالارى تەگىن قاتىساتىن بوكس كلۋبى اشىلدى، دەپ حابارلايدى Almaty-akshamy.kz Almaty.tv سىلتەمە جاساپ.

نىسان باسشىلارى بولاشاق سپورتشىلاردى دايارلاۋ ءۇشىن رەسپۋبليكالىق دەڭگەيدەگى سپورت شەبەرلەرىن شاقىرتقان. ودان بولەك سالتاناتتى شاراعا دانيار ەلەۋسىنوۆ تە قاتىسقان.  

بوكس – ادامنىڭ مىنەزى مەن ەركى شىڭدالاتىن ەرلىك مەكتەبى. وقۋشىلار ءۇشىن باستى شارت – جەڭىلمەيتىن سەنىم مەن قاجىرلى ەڭبەك. ال باپكەرلەر جۇدىرىقتاسۋدىڭ قىر-سىرىن بىلگىسى كەلەتىن جاستارعا جاۋىنگەرلىك داعدىلاردى دامىتۋعا جانە تەحنيكالىق تاسىلدەردى ۇيرەتۋگە دايىن. ودان بولەك بەلگىلى بوكسشى دانيار ەلەۋسىنوۆ رينگ زاماناۋي ستاندارتتارعا ساي بولعانىمەن، زالدى قوسىمشا جابدىقتاۋ كەرەكتىگىن ايتادى.

«ارينە، زالدىڭ تۇرعان ورنى وتە كەرەمەت. زالدىڭ ىشىندە دە ورىن كوپ. ءبىراق تەك قانا رينگ پەن گرۋشا ەكەن. نەگىزى كوپ زالدىڭ وزىندىك كەمشىلىكتەرى بولادى»، – دەدى وليمپيادا چەمپيونى دانيار ەلەۋسىنوۆ.