مەملەكەت ۇكىمەتى 2030 جىلعا قاراي وسىرىلەتىن بالىق كولەمىن جىلىنا 270 مىڭ تونناعا جەتكىزۋدى كوزدەپ وتىر.
قازاقستاندا 2030 جىلعا دەيىن 1283 جاڭا بالىق ءوسىرۋ شارۋاشىلىعى قۇرىلىپ، بۇگىنگى كۇنى جۇمىس ىستەپ تۇرعان 288 بالىق ءوسىرۋ شارۋاشىلىقتارىنىڭ ءوسىرۋ كولەمى ۇلعايتىلادى، دەپ حابارلايدى Almaty-akshamy.kz.
ەكولوگيا، گەولوگيا جانە تابيعي رەسۋرستار مينيسترلىگىنىڭ دەرەگى بويىنشا، 2021 جىلدىڭ سوڭىنا دەيىن بالىق شارۋاشىلىعىن دامىتۋدىڭ 2021-2030 جىلدارعا ارنالعان وڭىرلىك باعدارلامالارىندا كوزدەلگەن 600-گە جۋىق جوبانى ىسكە اسىرۋ جوسپارلانعان.
جوسپار بويىنشا، الماتى وبلىسىندا بالىق ءوسىرۋ بويىنشا بەس جوبانى جۇزەگە اسىرۋ باستالدى.
ءبىرىنشى. قاپشاعاي قالاسىندا «جىلىنا 10 مىڭ توننا ءوسىرۋ كولەمىمەن «Barrablue» اۆستراليالىق كومپانياسىنىڭ وزىق تەحنولوگياسى بويىنشا قازاقستاندا يننوۆاسيالىق بالىق ونەركاسىبى كەشەنىن قۇرۋ» جوباسى. ولار باررامۋندي بالىقتارىن ءوسىرۋدى جوسپارلاپ وتىر.
اۋدانى 35 گەكتار جەر ۋچاسكەسى الىندى. ينۆەستيسيا كولەمى 45 ملرد. تەڭگەنى قۇرايدى. بۇگىنگى كۇنى ۋچاسكەنى بالىق ءوسىرۋ كەشەنىنىڭ قۇرىلىسىنا دايىنداۋ بويىنشا جەر جۇمىستارى جۇرگىزىلۋدە. قۇرىلىستىڭ باستالۋى بيىلعى جىلعى تامىز ايىنا جوسپارلانعان. اتالعان جوبانى ىسكە اسىرۋ مەرزىمى 2021-2022 جىلدار.
ەكىنشى. «قورعاس – شىعىس قاقپاسى» ارنايى ەكونوميكالىق ايماعى اۋماعىندا «Russian friends Capital» رەسەيلىك كومپانياسىنىڭ قاتىسۋىمەن قۋاتى 2500 توننا اتلانتيكالىق اقسەركە وسىرەتىن زاۋىت سالۋ جوباسى.
جوبانى ىسكە اسىرۋ مەرزىمى - 2021-2022 جج.15،7 ملرد. تەڭگە جەكە ينۆەستيسيالاردى تارتۋ جوسپارلانۋدا.
«تۋلوما سالمون قازاقستان» ج ش س مەن «قورعاس – شىعىس قاقپاسى» ارنايى ەكونوميكالىق ايماعى باسقارۋشى كومپانياسى اراسىندا جوبانى ىسكە اسىرۋ نيەتى تۋرالى مەموراندۋمعا قول قويىلدى. زاۋىت قۇرىلىسى ءۇشىن اۋدانى 10 گەكتار جەر ۋچاسكەسى انىقتالدى.
وسى جوبانى «قورعاس – شىعىس قاقپاسى» ارنايى ەكونوميكالىق ايماعى اۋماعىندا ىسكە اسىرۋ ءۇشىن كورسەتىلگەن ارنايى ەكونوميكالىق ايماق قىزمەتىنىڭ باسىم تۇرلەرىنىڭ تىزبەسىنە وزگەرىستەر ەنگىزۋ قاجەت.
قازىرگى ۋاقىتتا مۇددەلى مەملەكەتتىك ورگاندار «تەڭىز بالىق شارۋاشىلىعىن» جانە «تۇششى سۋ بالىق شارۋاشىلىعىن» قوسۋ بولىگىندە «قورعاس – شىعىس قاقپاسى» ارنايى ەكونوميكالىق ايماعى قىزمەت تۇرلەرىن كەڭەيتۋدى قولداپ وتىر.
وسى ماسەلە رەسپۋبليكالىق بيۋدجەت كوميسسياسىندا ماقۇلدانعاننان كەيىن يندۋستريا جانە ينفراقۇرىلىمدىق دامۋ مينيسترلىگى «قورعاس – شىعىس قاقپاسى» ارنايى ەكونوميكالىق ايماعى قىزمەتىنىڭ باسىم تۇرلەرىنىڭ تىزبەسىن كەڭەيتۋ بولىگىندە ءتيىستى بۇيرىققا وزگەرىس ەنگىزەتىن بولادى.
وسى ماسەلە رەسپۋبليكالىق بيۋدجەت كوميسسياسىندا ماقۇلدانعاننان كەيىن يندۋستريا جانە ينفراقۇرىلىمدىق دامۋ مينيسترلىگى «قورعاس – شىعىس قاقپاسى» ارنايى ەكونوميكالىق ايماعى قىزمەتىنىڭ باسىم تۇرلەرىنىڭ تىزبەسىن كەڭەيتۋ بولىگىندە ءتيىستى بۇيرىققا وزگەرىس ەنگىزەتىن بولادى.
ءۇشىنشى. «ونىمدىلىگى جىلىنا 1600 توننا تۇيىق سۋمەن قامتاماسىز ەتۋ قوندىرعىلارىندا كلاريي سوم مەن باررامۋندي ءوسىرۋ بويىنشا بالىق ءوسىرۋ شارۋاشىلىعىن قۇرۋ» جوباسى. جوبانى ىسكە اسىرۋ ورنى – تالعار اۋدانى، الماتى قالاسىنان 25 كم جەردە.
جوبانىڭ باستاماشىسى «Zor Fish» ج ش س اۋدانى 10 گەكتار زاۋىت سالۋ ءۇشىن جەر ۋچاسكەسىن ساتىپ الدى. جوبانى ەۋروپالىق كومپانيا جاسادى جانە قازاقستان رەسپۋبليكاسىنىڭ قنجە جانە گوست-قا بەيىمدەلدى. مەملەكەتتىك ساراپتامانىڭ وڭ قورىتىندىسى الىندى.
ءتورتىنشى. «بارتوعاي سۋ قويماسىندا جىلىنا 300 توننا فورەل وسىرەتىن تورلى بالىق ءوسىرۋ شارۋاشىلىعىن قۇرۋ» جوباسى.
اتالعان جوبانى ىسكە اسىرۋ مەرزىمى - 2021-2022 جىلدار. 700 ملن. تەڭگەگە جۋىق جەكە ينۆەستيسيا تارتۋ كوزدەلۋدە.
بۇل جوبانى ىسكە اسىرۋ ءۇشىن بارتوعاي سۋ قويماسىنىڭ رەزەرۆتىك ۋچاسكەسىن كونكۋرستىق نەگىزدە بەكىتۋ قاجەت. الەۋەتتى ينۆەستور سۋ ايدىندارىن بەكىتىپ بەرۋ جونىندەگى كونكۋرس قورىتىندىلارى بويىنشا انىقتالاتىن بولادى.
بەسىنشى. «قىزىلاعاش سۋ قويماسىندا جىلىنا 300 توننا فورەل وسىرەتىن تورلى بالىق ءوسىرۋ شارۋاشىلىعىن قۇرۋ» جوباسى.
بۇل جوبانى ىسكە اسىرۋ مەرزىمى - 2021-2022 جىلدار. 700 ملن. تەڭگەگە جۋىق جەكە ينۆەستيسيا تارتۋ كوزدەلۋدە.
بۇل جوبانى ىسكە اسىرۋ ءۇشىن كونكۋرستىق نەگىزدە قىزىلاعاش سۋ قويماسىنىڭ رەزەرۆتىك ۋچاسكەسىن بەكىتۋ قاجەت. الەۋەتتى ينۆەستور سۋ قويماسىنىڭ ۋچاسكەسىن بەكىتۋ جونىندەگى كونكۋرس قورىتىندىسى بويىنشا انىقتالاتىن بولادى.
ەگترم-نىڭ 2021 جىلعى 15 ماۋسىمداعى بۇيرىعىمەن سۋ قويمالارىن بەكىتۋ بويىنشا كونكۋرس وتكىزۋ قاعيدالارىنا وزگەرىستەر ەنگىزىلگەنىن اتاپ وتكەن ءجون، ولار بيىلعى 17 تامىزدا كۇشىنە ەنەدى.