بالالار ءحوسپيسىنىڭ قاتەرلى ىسىككە شالدىققان بالالارعا كومەكتەسۋگە بولادى.
8 شىلدەدە الماتىدا ونكولوگيالىق اۋرۋعا شالدىققان بالالاردى قولداۋدىڭ "زدوروۆايا ازيا" قوعامدىق قورى Ergopack جانە «كوكتەم» كومپانيالارىمەن بىرلەسىپ «مەيىرىمدى ءونىم» قايىرىمدىلىق جوباسىن باستادى، دەپ حابارلايدى Almaty-akhamy.kz.
بۇدان بىلاي سۋپەرماركەتتەردەن ءونىم ساتىپ الۋدا "مەن سەنىمەن بىرگەمىن" بالالار ءحوسپيسىنىڭ قاتەرلى ىسىككە شالدىققان بالالارعا كومەكتەسۋگە بولادى.
جوبانى ۇيىمداستىرۋشىلاردىڭ ءبىرى ماريا لەديايەۆا كوروناۆيرۋس ىندەتى الەمنىڭ ءار ەلى ءۇشىن قيىن سىناققا اينالعانىن مالىمدەدى.
«پاندەميا – قايىرىمدى جاندار تاراپىنان جاسالاتىن ىزگى باستامالاردىڭ ارتۋىنا سەرپىلىس بەردى. ءبىز ونكولوگيالىق اۋرۋعا شالدىققان بالالار حوسپيسىنە كومەك قاجەت ەكەنىن بىلدىك، ويتكەنى كارانتين ولاردىڭ قارجىلىق جاعدايىن قيىنداتتى. ونىڭ ۇستىنە، حوسپيستە تۇراقتى تۇراتىن جانە ءحوسپيستىڭ وڭالتۋ بولىمىنە تىركەلگەن، سونداي-اق جىلجىمالى قىزمەتتىڭ تۇراقتى مەديسينالىق باقىلاۋىنداعى بالالارعا مەديسينالىق قولداۋ قاجەت. حوسپيستە قارجىلىق كومەكسىز شەشىلمەيتىن اي سايىنعى قاجەتتىلىكتەر بار. سوندىقتان وسى اكسيانى ۇيىمداستىرىپ، ولارعا قولداۋ كورسەتۋدى ۇيعاردىق. اكسياعا "مەلوچي جيزني" مەن "STR8" ساۋدا ماركالارى دا قاتىسادى»، – دەدى ماريا لەديايەۆا.
وسى ساۋدا ماركالارىنىڭ تاۋارلارىن ساتىپ الىپ، مەگاپوليستىڭ ءاربىر تۇرعىنى تۇسىمنەن تۇسكەن قاراجاتتىڭ ءبىر بولىگى اۋرۋ بالالارعا كومەكتەسۋگە جۇمسالاتىنىنا سەنىمدى بولا الادى. بۇل رەتتە ءونىمدى ۇنەمدەۋگە جانە اكسيالىق تاۋاردى 45% دەيىن جەڭىلدىكپەن ساتىپ الۋعا بولادى.
الماتىدا 8 شىلدەدەن باستاپ ناۋقانعا "A-Store" ("ADK” سوCو)، “Cosmart” (دۇكەندەر جەلىسى) جانە Carefood سۋپەرماركەتى مەن دۇكەندەرى قوسىلدى. 15 شىلدەدەن باستاپ سورەلەردە "دوبرىي پرودۋكت" اكسياسى "سابىرجان" (تويمارت)، "ماگنۋم" مەن Small جەلىلەرىندە 21 شىلدەدەن باستالادى.
ماريانىڭ ايتۋىنشا، ول كەشە عانا @detskyhospis بالالار حوسپيسىندە بولعان (ينستاگرامداعى پاراقشا). قازىرگى ۋاقىتتا ستاسيوناردا 40 كۇننەن 13 جاسقا دەيىنگى 6 بالا اۋىر حالدە جاتىر. ەم الىپ جاتقان جاعدايى اۋىر ناۋقاس پەن رەميسسيا جاعدايىنداعى بالالار دا بار. ولار ءحوسپيستىڭ ەمدەلۋ بولىمىندە.
«مەنىڭ ويىمشا، ءقازىر بالالار ءحوسپيسىنىڭ وڭالتۋ بولىمىندە 12 بالا بار. كەيبىر بالالار ۇيدە تاۋلىك بويى جۇمىس ىستەيتىن مەديسينالىق توپتىڭ باقىلاۋىندا. ولار دا قارجىلىق قولداۋدى قاجەت ەتەدى. سونداي-اق كوشپەلى قىزمەتتىڭ تۇراقتى قامقورلىعىندا 320 بالا بار. بالالار ءحوسپيسىنىڭ ميسسياسى - بۇلدىرشىندەرگە قايعى-قاسىرەتسىز جارقىن ءومىر سىيلاۋ. مۇندا بالالارعا ءومىرىنىڭ قالعان كۇندەرىن قۋانىشپەن وتكىزۋ ءۇشىن بارلىق كۇش-جىگەر مەن قامقورلىق كورسەتىلەدى. الماتىنىڭ تۇرعىندارى مەن ونىڭ قوناقتارى ناۋقاس جاندارعا كومەك بەرەتىنىنە سەنەمىن. سونداي-اق باسقا كومپانيالار دا بىزگە قولداۋ كورسەتەدى دەپ ۇمىتتەنەمىز. جاقسىلىق جاساۋ وڭاي»، – دەيدى ماريا لەديايەۆا.
ايتا كەتەرلىگى، ۇيىمداستىرۋشىلار ءىرى ساۋدا جەلىلەرىن قايىرىمدىلىق اكسياسىنا قولداۋ ءبىلدىرىپ، اتسالىسۋعا شاقىرادى. اكسيا نۇر-سۇلتان، تاراز، شىمكەنت، قاراعاندى، پەتروپاۆل، وسكەمەندەگى ساۋدا جەلىلەرىن قامتيدى.
اكسيا تۋرالى جانە قايىرىمدىلىق شارانى قولداعان دۇكەندەر جەلىسى تۋرالى تولىق اقپارات @melochi.zhizni.kz جانە @str8_kazakhstan الەۋمەتتىك جەلىلەردەگى رەسمي پاراقشالاردا جاريالانعان.