جىل باسىنان بەرى وڭىردە 1134 جاس وتباسى نەكە كۋالىگىن العان. بىلتىر 4 مىڭعا جۋىق نەكە تىركەلگەن ەدى، دەپ حابارلايدى اlmaty-akshamy.kz.
سوڭعى جىلدارى وڭىردە وتباسىن قۇرام دەگەن جاستاردىڭ قاتارى ارتىپ كەلەدى. اتتەگەن-ايى سول، كوپ ۇزاماي اجىراسۋعا ارىز بەرگەندەر دە تابىلادى. دەگەنمەن ۇلكەن ماقسات جولىندا وتباسىن ساقتاپ قالۋعا بەيىل وتاۋلار دا جەتەدى. ءقازىر وڭىردە قيىندىققا تاپ بولعان وتباسىمەن جۇمىس ىستەيتىن ورتالىقتار بار. وندا ءتىپتى ارنايى پسيحولوگتار قىزمەت كورسەتەدى.
جەتىسۋدا باسقا وڭىرلەر سەكىلدى اجىراسۋ دەڭگەيى جوعارى وبلىستار قاتارىنا جاتادى. الايدا وتباسىن ساقتاپ قالعان جاستار كوپ. ءبىز وسى باعىتتا ءتۇرلى فورمادى كەزدەسۋلەر وتكىزەمىز. ارينە، الدىمەن وتاۋ قۇرۋعا بەكىپ، ارتىنان اينىپ قالاتىندار دا از ەمەس. ولار ءارتۇرلى سەبەپ ايتادى. مىنەزدىڭ ۇيلەسپەۋى، ماتەريالدىق جاعدايدىڭ شەشىلمەگەنى، ءوزارا تۇسىنىسپەۋشىلىك كەدەرگى كەلتىرەدى. اتا-انالارى دا اراعا تۇسەدى. وسى رەتتە ونى دا اشىپ ايتادى، - دەيدى پسيحولوگ ءمولدىر امانوۆا.
جالپى نەكە سانى بويىنشا كوش باستاپ تۇرعان تالدىقورعان قالاسى مەن پانفيلوۆ جانە الاكول اۋداندارى. مۇندا جۇزدەگەن وتباسى وتاۋ قۇرعان.
بۇگىندە «ازاماتتارعا ارنالعان ۇكىمەت» ەلىمىزدىڭ باس قالاسىندا جانە قاراعاندى، الماتىدا، سونىمەن قاتار قوستانايدا نەكەنى سالتاناتتى تۇردە تىركەيدى. ءقازىر اتالعان قىزمەتتى باسقا قالالاردا ەنگىزۋدى جوسپارلانۋدا. ونىڭ قاتارىندا تالدىقورعان دا بار. سونداي-اق بالانىڭ تۋۋىن سالتاناتتى تىركەۋدى ەنگىزۋ ويلاستىرىلۋدا. ءقازىردىڭ وزىندە تۋۋ تۋرالى كۋالىكتەردى جەتكىزۋ جانە ولاردى اتا-انالارىنا تىكەلەي پەرزەنتحانالاردا تابىستاۋ بويىنشا جۇمىستار ءجۇرىپ جاتىر.
ارينە، وتباسىندا كيكىلجىڭ بولىپ تۇرادى، ءبىراق ءبىز ونى ەكەۋارا اڭگىمەلەسىپ شەشەمىز. وتباسى باقىتتى بولۋ ءۇشىن ەكى ادام بىردەي كۇش سالۋى قاجەت، - دەيدى جاڭادان وتاۋ قۇرعان اسىل مەن ءاليا.