ۇلتتىق بانك "الاياقتىق بەلگىلەرى بار تولەم ترانزاكسيالارى بويىنشا دەرەكتەرمەن الماسۋ ورتالىعىنىڭ قىزمەتىن جانە ونىڭ قىزمەتىنە قاتىساتىن تۇلعالارمەن ءوزارا ءىس-قيمىلىن جۇزەگە اسىرۋ تارتىبىنە قويىلاتىن تالاپتاردى بەكىتۋ تۋرالى" قۇب باسقارما قاۋلىسىنىڭ جوباسىن ازىرلەدى، دەپ حابارلايدى اlmaty-akshamy.kz.
جوبا انتيفرود-ورتالىق قىزمەتىن جۇزەگە اسىرۋ جانە ونىڭ قاتىسۋشىلارىمەن ءوزارا ءىس-قيمىل جاساۋ ءتارتىبىن، سونداي-اق الاياقتىق بەلگىلەرى بار تولەم ترانزاكسياسىن جۇزەگە اسىرۋدىڭ ءبىرىڭعاي دەرەكقورىن قالىپتاستىرۋ جانە جۇرگىزۋ ءتارتىبىن ايقىندايدى.
انتيفرود-ورتالىق قارجى ۇيىمدارى، قۇقىق قورعاۋ ورگاندارى، سونداي-اق ۇيالى بايلانىس وپەراتورلارى قوسىلاتىن تەحنولوگيالىق پلاتفورما بولىپ تابىلادى. پلاتفورما ءتيىستى تاڭبالانعان كۇدىكتى وپەراسيالاردى قوسا العاندا، الاياقتىق وپەراسيالار بويىنشا ناقتى ۋاقىت رەجيمىندە قارجى نارىعىنىڭ سۋبەكتىلەرى اراسىندا دەرەكتەر الماسۋدى قامتيدى.
انتيفرود-ورتالىقتىڭ مىندەتى – ازاماتتاردىڭ قاراجاتىن الاياقتىق وپەراسيالاردان قورعاۋدى قامتاماسىز ەتۋ، الاياقتىق وپەراسيالارعا جەدەل شارا قابىلداۋ جانە ولاردى ۋاقىتىندا بۇعاتتاۋ.
تولىق فۋنكسيونالى بار ونەركاسىپتىك ەنگىزۋ بيىل 22 شىلدەدە – سيفرلاندىرۋ ماسەلەلەرى جونىندەگى ءتيىستى زاڭ قولدانىسقا ەنگىزىلگەن ساتتەن باستاپ جوسپارلانۋدا.