«قازگيدرومەت» رمك ەل اۋماعىندا 5 ماۋسىمدا بولاتىن اۋا رايىنا بولجام جاسادى، دەپ حابارلايدى almaty-akshamy.kz.
اتموسفەرالىق فرونتتاردىڭ وتۋىمەن ق ر اۋماعىنىڭ باسىم بولىگىندە تۇراقسىز اۋا رايى ساقتالادى، نايزاعاي ويناپ، وتكىنشى جاڭبىر جاۋادى. كۇندىز سولتۇستىكتە بۇرشاق بولادى. تۇندە جانە تاڭەرتەڭ ەلدىڭ سولتۇستىگىندە، شىعىسىندا تۇمان بولۋى مۇمكىن. تەك ەلدىڭ سولتۇستىك-شىعىسىندا، وڭتۇستىگىندە، وڭتۇستىك-باتىسىندا جاۋىن-شاشىنسىز اۋا رايى كۇتىلەدى. رەسپۋبليكا بويىنشا جەل كۇشەيەدى.
«باتىس قازاقستان، قىزىلوردا، ماڭعىستاۋ، اتىراۋ، تۇركىستان، جامبىل، قوستاناي وبلىستارىنىڭ وڭتۇستىگىندە، اقتوبە وبلىسىنىڭ باتىسىندا، وڭتۇستىگىندە، قاراعاندى وبلىسى مەن ۇلىتاۋ وبلىسىنىڭ وڭتۇستىگىندە، جەتىسۋ وبلىسنىڭ سولتۇستىگىندە، شىعىسىندا، الماتى وبلىسىنىڭ سولتۇستىگىندە، ورتالىعىندا جوعارى ءورت ءقاۋىپى ساقتالادى»، — دەپ جازدى سينوپتيكتەر.
تۇركىستان وبلىسىنىڭ ءشولدى اۋداندارىندا، اتىراۋدىڭ باتىسىندا، وڭتۇستىگىندە، قىزىلوردا وبلىسىنىڭ شىعىسىندا، باتىسىندا، باتىس قازاقستان وبلىسىنىڭ وڭتۇستىگىندە توتەنشە ءورت ءقاۋىپى ساقتالادى.