جەتىسۋ وڭىرىندە كارانتين شارالارى كۇشەيتىلەدى

شەكتەۋ شارالارى قۇربان ايت مەيرامىنا وراي ەنگىزىلىپ وتىر.

شىلدەنىڭ 16-سىنان باستاپ الماتى وبلىسىندا كارانتين شارالارى كۇشەيتىلەدى. باس سانيتارلىق دارىگەر ارنايى قاۋلىعا قول قويدى، دەپ حابارلايدى Almaty-akshamy.kz.

باس مەملەكەتتىك سانيتارلىق دارىگەرىنىڭ 2021 جىلعى 15 شىلدەدەگى №14 «قۇربان ايت مەيرامىن مەرەكەلەۋ كەزىندە الماتى وبلىسى تۇرعىندارىنىڭ  سانيتارلىق – ەپيدەميولوگيالىق سالاۋاتتىلىعىن قامتاماسىز ەتۋ تۋرالى» قاۋلىسى بويىنشا:

- مەنشىك تۇرىنە قاراماستان، بارلىق ۇيىمداردا، سونداي-اق جەكە ءۇي شارۋاشىلىقتارى مەن مەشىتتەردە ادامدار كوپ جينالعان ءىس-شارالار وتكىزۋگە تىيىم سالىنادى؛

- مالدى اۆتوكولىكتەردەن جانە جەكە ءۇي شارۋاشىلىقتارىندا ساتۋعا تىيىم سالىنادى؛

- مال ساتۋدى جانە سويۋدى ۆەتەرينارلىق قىزمەتتىڭ رەسمي ۆەتەريناريالىق-سانيتاريالىق قورىتىندىسىن العان سويۋ ورتالىقتارى مەن ۋچاسكەلەرىندە (ۆەتەريناريا قىزمەتى بەكىتكەن ءتىزىم بويىنشا سويۋ الاڭدارى، اۋداندارداعى ۋچاسكەلەر) عانا ۇيىمداستىرۋ؛

- مالدى سويۋ تەك ۆەتەرينارلىق انىقتامامەن جابىق رەجيمدە، تەك تاپسىرىس جانە جەتكىزىلىم بويىنشا، كەلۋشىلەرسىز جۇزەگە اسىرىلادى؛

- بۇكىل ايماقتاعى مال سويۋ پۋنكتتەرىندە مەملەكەتتىك ۆەتەريناريالىق-سانيتاريالىق باقىلاۋ مەن قاداعالاۋدى كۇشەيتۋ؛

- Qurban2021.kz ۆەب-سايتىنا وتىنىشتەر بەرە وتىرىپ، قۇرباندىق شالۋ (قۇرباندىق) ونلاين رەجيمىندە؛

- تۇرعىندارعا قۇربان ايت مەيرامىن ۇيىمداستىرۋ ماسەلەلەرىن ءتۇسىندىرۋ ءۇشىن call-ورتالىق جۇمىسىن ۇيىمداستىرۋ؛

- تەز بۇزىلاتىن ونىمدەردى (قۇرباندىققا شالىناتىن مالدىڭ ەتىن) مۇقتاج ادامدارعا تاسىمالداۋ مەن ساقتاۋدىڭ سانيتارلىق-ەپيدەميولوگيالىق ەرەجەلەرىنىڭ تالاپتارىن ساقتاۋ، قاجەتتى مولشەردە توڭازىتقىش جابدىقتارىمەن، توڭازىتقىشتارمەن جانە جەكە قورعانىس قۇرالدارىمەن قامتاماسىز ەتۋ؛

- اكىمدىكتەر جانىنداعى ءموبيلدى توپتاردىڭ جۇمىستىڭ كۇشەيتىلگەن سانيتارلىق-دەزينفەكسيالىق رەجيمىن، ەپيدەمياعا قارسى رەجيم تالاپتارىن ساقتاۋىن باقىلاۋ.

 قۇربان ايت مەيرامىن مۇسىلمان حالقى 20-21-22 شىلدە كۇندەرى تويلايدى.