جەتىسۋ وبلىسىندا كۇن رايىنىڭ قولايسىزدىعىنا بايلانىستى رەسپۋبليكالىق ماڭىزى بار جولدار جابىلدى، دەپ حابارلايدى Almaty-akshamy.kz Inform.kz-كە سىلتەمە جاساپ.
«26 قاراشادا ساعات 14:30-دان باستاپ اۋا رايىنىڭ ناشارلاۋىنا بايلانىستى (بوران، شەكتەۋلى كورىنۋ) «ءۇشارال-دوستىق» رەسپۋبليكالىق ماڭىزى بار اۆتوجولىندا (9-184 شاقىرىمدارى، كوكتۇما-دوستىق)، رەسپۋبليكالىق ماڭىزى بار «الماتى-وسكەمەن» اۆتوجولىندا («كولباي اۋىلى-اباي وبلىسىنىڭ شەكاراسى»، 485-615 كم)، رەسپۋبليكالىق ماڭىزى بار «سارىوزەك-كوكتال» اۆتوجولىندا (45-68 كم، التىن ەمەل اسۋى) كولىكتىڭ بارلىق تۇرلەرى ءۇشىن قوزعالىس جابىلدى»، - دەلىنگەن وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتى حابارلاماسىندا.
جەتىسۋ وبلىستىق تجد ازاماتتاردان وسى باعىتتاعى ساپارلاردان باس تارتۋدى جانە 112 قىزمەتى بەرەتىن SMS حابارلامالاردى نازاردان تىس قالدىرماۋدى سۇرايدى. الىس جولعا شىققان كەزدە اۋا رايى بولجامىمەن تانىسىپ، توتەنشە جاعدايلاردا قاجەت بولۋى مۇمكىن بارلىق زاتتاردى بىرگە الىپ ءجۇرۋ كەرەكتىگىن ەسكە سالادى.