The Ring جۋرنالىنىڭ سايتى ورتا سالماقتاعى بوكسشىلار رەيتينگىن جاريالادى، وعان قازاقستاننىڭ ەكى بىردەي بوكسشىسى ەنگەن، دەپ حابارلايدى Almaty-akshamy.kz Inform.kz-كە سىلتەمە جاساپ.
WBA Super، IBF جانە IBO الەم چەمپيونى گەنناديي گولوۆكين بۇرىنعىسىنشا وندىقتا كوش باستاپ تۇر، ودان كەيىنگى ورىنداردا WBC چەمپيونى دجەرمالل چارلو جانە WBO ەكس-چەمپيونى دەمەتريۋس اندرادە.
WBO بەلبەۋىنىڭ قازىرگى يەگەرى جانە ونى 13 قاراشادا العاش رەت قورعاپ، تورەشىلەردىڭ ءبىراۋىزدان قابىلداعان شەشىمىمەن بريتاندىق دەنزەل بەنتليدى جەڭگەن جانىبەك ءالىمحان ۇلى بەسىنشى ورىندا.
The Ring نۇسقاسى بويىنشا ورتا سالماقتاعى توپ-10:
1. گەنناديي گولوۆكين (قازاقستان)
2. دجەرمالل چارلو (اقش)
3. دەمەتريۋس اندرادە (اقش)
4. حايمە مۋنگيا (مەكسيكا)
5. جانىبەك ءالىمحان ۇلى (قازاقستان)
6. كريس يۋبەنك-كىشى (ۇلىبريتانيا)
7. كارلوس ادامەس (دومينيكانا رەسپۋبليكاسى)
8. ريوتا مۋراتا (جاپونيا)
9. سەرگەي دەريەۆيانچەنكو (ۋكراينا)
10. ەريسلاندي لارا (كۋبا).
بۇعان دەيىن World Boxing News پورتالى 2022 جىلدىڭ قاراشا ايىنداعى جاعداي بويىنشا الەمنىڭ ەڭ ۇزدىك 50 بوكسشىسىنىڭ (سالماق دارەجەسىنە قاراماستان) رەيتينگىن ۇسىنعانى حابارلانعان بولاتىن. تىزىمگە العاش رەت قازاقستاندىق بوكسشى جانىبەك ءالىمحان ۇلى ەندى. ول رەيتينگىدە 49-ورىنعا تۇراقتادى.