قارۋدىڭ قاڭتار وقيعالارى كەزىندە ۇرلانعانى انىقتالدى.
ارنايى وپەراسيانى تالدىقورعان ماڭىنداعى ۇققكب جەدەل ۋاكىلدەرى مەن ۇلتتىق ۇلان ارنايى كۇشتەرىنىڭ قىزمەتكەرلەرى جۇرگىزدى، دەپ حابارلايدى Almaty-akshamy.kz.
كوكسۋ اۋدانىنىڭ 35 جانە 40 جاستاعى ەكى تۇرعىنى ۇستالدى. ولاردان كالاشنيكوۆ اۆتوماتى (اك-74)، كارابين جانە 5،45 مم كاليبرلى 30 پاترون تاركىلەندى. ارنايى بازا بويىنشا تەكسەرۋ كەزىندە قارۋدىڭ قاڭتار وقيعالارى كەزىندە ۇرلانعاندار قاتارىنا كىرگەنى انىقتالدى. كۇدىكتىلەر قاماۋعا الىندى.
سوتقا دەيىنگى تەرگەپ-تەكسەرۋ ق ر قك-نىڭ 287-بابى 4-بولىگى "قارۋدى، وق-دارىلەردى زاڭسىز ساتىپ الۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ" بويىنشا جۇرگىزىلەدى. تەرگەۋ اياسىندا قاجەتتى ساراپتامالار تاعايىندالدى.