قۇرلىقتىق دودا تايلاند استاناسى بانگكوك قالاسىندا ءوتىپ جاتىر
قازاقستاندىق ۆيكتوريا گرافەيەۆا 2023 جىلعى ازيا چەمپيوناتىندا جارىستى جالعاستىرۋعا مۇمكىندىك الدى، دەپ حابارلايدى Almaty-akshamy.kz.
قۇرلىقتىق دودا تايلاند استاناسى بانگكوك قالاسىندا ءوتىپ جاتىر.
جارىستا 57 كەلى سالماقتا سىنعا ءتۇسىپ جاتقان ۆيكتوريا گرافەيەۆا تايلاندتىق ناتنيچە چونگپرونگكلانگپەن قولعاپ تۇيىستىرگەن ەدى.
ەكىنشى راۋندتا تورەشىلەر تايلاندتىق بوكسشىنىڭ ەكى مارتە نوكداۋن العانىن تىركەدى. ال ءۇشىنشى راۋندتا جەكپە-جەك توقتاتىلىپ، جەڭىس قازاقستاندىق بوكسشىعا بەرىلدى.
قازىرگە دەيىن العاشقى جەكپە-جەكتەرىن وتكىزىپ ۇلگەرگەن ءمولدىر تويكوۆا (50 كەلى) جارىستى جالعاستىرسا، انەل قۇدايبەرگەن (48 كەلى) مەن جانسايا راحىمبەردى (52 كەلى) قارسىلاستارىنا ەسە جىبەرىپ قويدى.
ەسكە سالساق، بۇدان بۇرىن قازاقستاندىق قىزداردىڭ ازيا چەمپيوناتىنداعى قارسىلاستارى انىقتالعانىن حابارلاعان ەدىك.