تەگەراندا يران مەن ەاەو ەركىن ساۋدا تۋرالى مەموراندۋمعا قول قويدى
يران مەن ەۋرازيالىق ەكونوميكالىق وداق (ەاەو) بەيسەنبىدە ەركىن ساۋدا تۋرالى مەموراندۋمعا قول قويدى، ءراسىم تەگەراندا حالىقارالىق كورمە ورتالىعىنىڭ اۋماعىندا ءوتتى، دەپ حابارلايدى Almaty-akshamy.kz Inbusiness.kz-كە سىلتەمە جاساپ.
قۇجاتقا شاحتالار مەن ساۋدا ونەركاسىبى ءمينيسترىنىڭ ورىنباسارى، يراننىڭ ساۋدانى دامىتۋ ۇيىمىنىڭ باسشىسى اليرەزا پەيمان-پاكتىڭ قاتىسۋىمەن قول قويىلدى.
2022 جىلى يران مەن ەاەو اراسىنداعى ەركىن ساۋدا تۋرالى كەلىسىم بويىنشا كەلىسسوزدەردىڭ بىرنەشەۋى ءوتتى. اتاپ ايتقاندا، سالىناتىن باج سالىعىن جويۋ بويىنشا ءوزارا مىندەتتەمەلەردى قالىپتاستىرۋ مەن ەركىن ساۋدا ايماعىن انىقتاۋ تالقىلاندى.