14 قىركۇيەك كۇنى شامامەن ساعات 01:30-دا «الماتى – وسكەمەن» اۆتوجولىنىڭ 479-شاقىرىمىندا، الاكول اۋدانىنا قاراستى كولباي اۋىلى ماڭىندا ءۇش اۆتوكولىك قاتىسقان جول-كولىك وقيعاسى بولدى، - دەپ حابارلايدى Aqshamnews.kz.
الدىن الا مالىمەت بويىنشا، Nissan Cefiro كولىگىنىڭ جۇرگىزۋشىسى قارسى باعىتقا شىعىپ كەتىپ، ۆاز-2114 جانە Chevrolet Cobalt كولىكتەرىمەن جاناما سوقتىعىسقان.
اپات سالدارىنان وقيعا ورنىندا 10 ادام قازا تاپتى. تاعى ءبىر جولاۋشى ءتۇرلى جاراقاتتارمەن اۋرۋحاناعا جەتكىزىلدى.
اتالعان دەرەك بويىنشا قىلمىستىق ءىس قوزعالدى