قازاقستان قۇراماسى دانيادا وتكەن EuroSkills چەمپيوناتىندا بۇرىن-سوڭدى بولماعان ناتيجە كورسەتتى – بىردەن 7 قاتىسۋشى «ۇزدىك مەدالون» يەلەندى.
چەمپيوناتقا 32 ەلدەن 600 جاس مامان قاتىستى. قازاقستاندىق كوللەدج ستۋدەنتتەرى 25 قۇزىرەت بويىنشا سىنعا ءتۇستى. جەڭىمپازدار ۆەب-تەحنولوگيالار، مەحاترونيكا، گرافيكالىق ديزاين، اكىمشىلەندىرۋ، ينجەنەرلىك ديزاين سىندى سالالاردا جوعارى ناتيجە كورسەتتى.
«بۇل – تەحنيكالىق ءبىلىم بەرۋ جۇيەسىنىڭ جاڭا دەڭگەيگە كوتەرىلگەنىنىڭ دالەلى. جۇمىسشى ماماندىقتار جىلى بۇل جەڭىس ەرەكشە مانگە يە»، – دەپ قۇتتىقتادى وقۋ-اعارتۋ ءمينيسترى عاني بەيسەمبايەۆ.
EuroSkills – ەۋروپاداعى ەڭ ءىرى كاسىبي شەبەرلىك چەمپيوناتى. 2023 جىلى قازاقستان 2 مەدالون يەلەنسە، بيىلعى ناتيجە – رەكوردتىق.