قازگيدرومەت رمك-نىڭ اۋا رايى بولجامىنا سايكەس، الداعى كۇندەرى جەتىسۋ وبلىسىندا اۋا تەمپەراتۋراسى +3 گرادۋسقا دەيىن كوتەرىلىپ، قار ارالاس جاڭبىر جاۋىپ، كوكتايعاق، بۇرقاسىن جەل بولادى، تۇمان تۇسەدى.
وسىعان بايلانىستى، جەتىسۋ وبلىسىنىڭ تجد باسپا ءسوز قىزمەتى ەسكەرتۋ جاريالادى.
تجد ەسكەرتەدى:
سۋ ايدىندارىندا مۇز قاباتى جۇقارىپ، وزەندەردەگى سۋ دەڭگەيىنىڭ كوتەرىلۋى ىقتيمال؛
تاۋلى ايماقتاردا قار جامىلعىسىنىڭ تۇراقسىز جاعدايىنا بايلانىستى قار كوشكىنى ءجۇرۋى مۇمكىن؛
ەلدىمەكەندەردە جاۋىن-شاشىننىڭ ءتۇسۋى، قاردىڭ قارقىندى ەرۋىنە بايلانىستى اۋلا اۋماقتارىن سۋ باسۋى مۇمكىن.
توتەنشە جاعدايلاردىڭ الدىن الۋ ماقساتىندا ازاماتتارعا تاعى مىنالار ەسكەرتىلەدى:
ۇيلەردىڭ جانىندا ورنالاسقان ارىقتار مەن سۋ وتكىزەتىن ارنانى ۋاقىتىلى تازارتۋ؛
بالالاردى سۋ ايدىندارىنا باقىلاۋسىز جىبەرمەۋ، مۇزدا، تىك جانە شايىلعان جاعالاۋلاردا بولۋ ءقاۋپى تۋرالى ەسكەرتۋ؛
قارلى تاۋ بەتكەيلەرىنە شىقپاۋ؛
اۋا-رايىنىڭ وزگەرۋىن قاداعاۋ جانە "112" داۋىلدى ەسكەرتۋى حابارلاماسىن العان كەزدە، ەلدىمەكەندەردەن تىس جەرلەرگە ساپارلاماۋ ۇسىنىلادى.