اۋدان اكىمى گۇلنار كوكەبايەۆا وڭىرلىك كوممۋنيكاسيالار قىزمەتىنىڭ الاڭىندا اۋدانداعى مەكتەپتەر، بالاباقشالار مەن مەديسينالىق ۇيىمداردىڭ قۇرىلىسى تۋرالى ايتىپ بەردى.
سپيكەردىڭ ايتۋىنشا، اۋداندا «شەتسىز قالا» باعدارلاماسى جۇزەگە اسىرىلۋدا. باسقاشا ايتقاندا، ءار شاعىناۋداندا ءبىلىم بەرۋ، مەديسينا نىساندارى، بەلسەندى دەمالىس ورىندارى بولادى، دەپ حابارلايدى Almaty-akshamy.kz
سوندىقتان "كەمەل"، "اينابۇلاق" جانە "قۇلاگەر" شاعىناۋداندارىندا بىردەن ءۇش دەنە شىنىقتىرۋ-ساۋىقتىرۋ كەشەنىن سالۋ تۋرالى شەشىم قابىلداندى. اياقتالۋ مەرزىمى – 2022 جىلدىڭ 1ء-شى جانە 2ء-شى توقساندارى. ولارعا كىرۋ تەگىن بولادى.
بۇدان باسقا، كەلەر جىلى "كەمەل" شاعىن اۋدانىندا 200 كەلۋشىگە ارنالعان وتباسىلىق-دارىگەرلىك امبۋلاتوريا سالىنادى. ال بيىلعى جىلدىڭ سوڭىنا دەيىن №11 ەمحانادا سەيسميكالىق كۇشەيتۋ مەن كۇردەلى جوندەۋ جۇمىستارى اياقتالادى.
سونداي-اق، اكىم "قۇلاگەر" شاعىناۋدانىندا جانە "ساياحات" اۆتوۆوكزالىنىڭ جەكە سەكتورى اۋماعىندا ەمحانالار ماسەلەسى قالاي شەشىلىپ جاتقانىن ايتتى. ونىڭ ايتۋىنشا، "قۇلاگەردەگى" ەمحانا الاڭى بويىنشا سايكەس كەلمەيدى، ال "ساياحات" اۋماعىندا ول مۇلدەم بولماعان. اۋدان اكىمدىگى سيدوركين كوشەسى، 14-تە اۋدانى 1 647 شارشى مەتر ەكى قاباتتى عيماراتتى جانە وماروۆ كوشەسىندەگى اۋدانى 1 967 شارشى مەتر ءۇش قاباتتى عيماراتتى ساتىپ الدى.كەيىن بۇل ورىنداردا ەمحانا اشۋ جوسپارلانۋدا.
«بيىل №57 مەكتەپكە 300 ورىندى جانە №102 مەكتەپكە 150 ورىندى قوسالقى نىسان قۇرىلىستارى اياقتالدى، سونىمەن قاتار ەكى مەكتەپتە دە جاڭا اكت زالدارى سالىندى. 600 ورىندى №177 مەكتەپكە قوسالقى نىسان مەن №43 مەكتەپتە اسحانا قۇرىلىسى اياقتالۋدا»، - دەدى گۇلنار كوكەبايەۆا.
№129 مەكتەپتە سەيسميكالىق كۇشەيتۋ مەن كۇردەلى جوندەۋ، سونداي-اق «جۇمىسشى كەنتى» ەلدى مەكەنىندە 2021-2025 جىلدارعا ارنالعان تۇرعىن ءۇي قورىن رەنوۆاسيالاۋ باعدارلاماسى بويىنشا 8 ءۇيدىڭ ورنىنا 7 ءۇيدىڭ قۇرىلىسى جالعاسۋدا.
بۇدان باسقا، اۋدان اكىمدىگى "اينابۇلاق-4" شاعىناۋدانىندا 160 ورىندى بالاباقشا، №148 (300 ورىن)، 103 (250 ورىن)، 112 (300 ورىن)، 850 ورىندى قوسىمشا قۇرىلىستار سالۋدى جانە №101 مەكتەپكە اكت زالىن سالۋدى جوسپارلاپ وتىر. سونداي-اق، «جۇمىسشى كەنتىندە» اۋىسىمىنا 100 كەلۋشىگە ارنالعان ەمحانا قۇرىلىسىنا جسق ازىرلەۋ باستالدى.
گۇلنار كوكەبايەۆا كەلەسى جىلى قولعا الىناتىن "كوكمايسا" شاعىناۋدانىنداعى ەسەنتاي وزەنى جاعالاۋىنىڭ قۇرىلىسى تۋرالى حابارلادى.