دارىگەرلەر ەسسىز كۇيدە 9 كۇن جاتقان ەر ادامنىڭ ءومىرى ءۇشىن كۇرەستى
ورتالىق قالالىق كلينيكالىق اۋرۋحاناعا 18 قاراشادا اسا اۋىر حالدەگى 67 جاستاعى ەر ادام ەسسىز كۇيدە جەتكىزىلدى، دەپ حابارلايدى Almaty-akshamy.kz وقكا باسپا ءسوز قىزمەتىنە سىلتەمە جاساپ.
ينكۋباسيا قارالىپ، ءوجج اپپاراتىنا قوسىلدى جانە شۇعىل تۇردە رەانيماسيا بولىمشەسىنە ەمدەلۋگە جاتقىزىلدى. قويىلعان دياگنوز- ميشىقتىڭ سول جاق سىڭارىنىڭ ينسۋلتى، يشەميا مولشەرى 5ح4 سم. قۇرادى. ستاسيوناردىڭ رەانيماتولوگتارى 9 كۇن رەانيماسيا بولىمشەسىنىڭ قابىرعاسىندا پاسيەنتتىڭ ءومىرى ءۇشىن كۇرەسىپ، بارلىق قاجەتتى دياگنوستيكالىق جانە ەمدىك شارالار جۇرگىزىلدى.
ينسۋلت بولىمشەسىنىڭ مەڭگەرۋشىسى ازيز يسمايلوۆتىڭ ايتۋىنشا، تراحەوستوم تۋرالى ماسەلە كوتەرىلدى، دەگەنمەن، ناۋقاستىڭ حال-جاعدايى جاقسارىپ، ەكستۋباسيا جۇرگىزىلدى جانە ەر ادامدى ءوز بەتىمەن تىنىس الۋ ارقىلى وزىندىك تاماقتانۋ ساتىسىنا اۋىستىرىلدى. 26 قاراشادا ەر ادام ينسۋلتتىق بولىمشەسىنە اۋىستىرىلىپ، وندا ءبىر اپتا جاتىپ دەنساۋلىعى جاقسارا باستادى. وسى ۋاقىت بويى پاسيەنتكە ەرتەدەن وڭالتۋ قارالىپ، نيەۆرولوگيالىق تاپشىلىعى شاعىن مولشەرگە تۇسە باستادى. پاسيەنتتىڭ دەنساۋلىعى تولىعىمەن تۇراقتانىپ، ەشكىمنىڭ كومەگىسىز وزىنە ءوزى قاراي باستادى.
«بۇگىن پاسيەنتتى ۇيىنە شىعاردى، ەر ادام ءوزىن جاقسى سەزىنەدى، ءوز بەتىمەن قوزعالادى. قوزعالىس جانە سويلەۋ جاعىنان اقاۋلىقتار انىقتالماعان. ۇسىنىمدارمەن ءارى قاراي قاداعالانۋعا جىبەرىلدى»- دەدى دارىگەر.
ساراپشى پاسيەنتتىڭ حال-جاعدايى ناشارلاعان كەزدە دەر كەزىندە دارىگەرگە بارۋ كەرەك ەكەندىگىن تاعى ايتا كەتتى.
«وكىنىشكە وراي، كلينيكاعا كەش جۇگىنەدى. ءبىزدىڭ حالىق ءوزى جازىلىپ كەتەتىندەي، اۋرۋحاناعا بارعاندى ۇناتپايدى. ءبىراق، بۇل ولاي ەمەس ەكەنىن تۇسىنگەندەرى ءجون. جانە دە ەڭ الدىمەن "جەدەل جاردەمدى" شاقىرۋ قاجەت»- دەپ ءتۇسىندىردى ازيز يسمايلوۆ.